Back

ⓘ Peter Schmeichel




Peter Schmeichel
                                     

ⓘ Peter Schmeichel

Peter Bolesław Schmeichel MBE yaiku salah siji mantan juru main bal-balan saka Denmark. Pemain iki misuwur nalika mèlu gabung ing Manchester United. Schmechel dadi kiper nomer siji MU nalika taun 90-an, lan kapilih dadi kiper paling apik ing donya nalika taun 1992, lan 1993. Schmeichel dadi kuncine Denmark ing Piala Éropah 1992. Dhèwèké uga dadi juru main kang wigati nalika MU éntuk The Treble, yaiku Liga Champions, Liga Premier Inggris lan Piala FA nalika taun 1998-1999, telung piyala mau dadi bebungah kang pungkasan kanggo MU.

Schmeichel lair ing Gladsaxe Copenhagen, Denmark, Schmeichel duwé awak kang dhuwure 1.93 m. Schmeichel dadi juru main bal kang paling akèh main ing nagarané yaiku kaping 129 gawé gol 1. Schmeichel kaping papat mèlu Piala Éropah awit taun 1988 nganti taun 2000, lan mèlu kaping pisan ing Piala Donya FIFA 1998.

Schmeichel nganti tekan pensiun wis mbela 7 tim yaiku Gladsaxe-Hero, Hvidovre, Brondby, Manchester United, Sporting CP, Aston Villa, lan Manchester City. Schmechel main kaping 597 lan gawé 9 gol. Dhèwèké wis kasil menang 10 gelar liga, 9 gelar piala liga, 2 piala antar tim eropa, lan 1 gelar juara Liga Champions Éropah. Kanthi individu dhèwèké kaping 3 dadi Kiper paling apik UEFA, kaping 2 Kiper paling apik sadonya, kaping 3 Pemain paling apik Denmark, kaping 4 dadi Kiper paling apik ing Denmark, kaping 1 Kiper Klub paling apik Éropah.