Back

ⓘ Guwa Kiskéndo




                                     

ⓘ Guwa Kiskéndo

Guwa Kiskendo kadunung ing désa Trayu, Kacamatan Singorojo, Kabupatèn Kendhal provinsi Jawa Tengah, Indonésia.

Guwa iki adohe 15 KilomèterKidul Kabupatèn Kendhal, yèn ngliwati Kutha Kaliwungu. Hawane adhem amarga ana ning laladan pagunungan. Nalika pemirsa mlebu ing laladan Guwa Kiskendo, pemirsa bakal ngluruhi gerbang guwa sing gedhé lan amba. Ing dina Setu lan Minggu, panggonan iki ramé cah nom-nom sing padha plesiran. Guwa iki dumadi amarga banyu sing nètès saka ndhuwur mengisor. Ing panggonan iki pemirsa bisa nemokkaké stalagmit lan stalagtit. Yèn mlebu luwih jero manèh, uga bisa ndelok kali sing nembus nganti weteng bumi.

Ana pepali ora diolèhké adus ning kali sakjerone guwa. Nanging isèh akèh wong adus ing panggonan iki yèn banyune ora lagi angob. Sakbubaré mlaku ning dalan setapak watu watu, pemirsa bisa mlebu ing gua sing rada ndronjong. Guwa-guwa cilik kaya Guwa Lawang, Guwa Pertapaan, Guwa Tulangan, Goa Kempul lan Goa Kamprèt. kali cilik sing mlebu ledhokan in jeroné guwa nambah éndahing swasana. Kedhung ing sakjerone guwa iki diarani Kedhung Jagan.