Back

ⓘ Pratélaning tembung Jawa asal basa Walanda




                                     

ⓘ Pratélaning tembung Jawa asal basa Walanda

  • aliyas saka tembung alias tegesé jenenge liya.
  • amral saka tembung admiraal tegesé sénapati lautan.
  • apèl saka tembung appel tegesé 1 ngulur prakara marang pangadilan kang luwih dhuwur lan 2 nglumpukaké prajurit.
  • artikel saka tembung artikel tegesé 1 bab ing undhang-undhang, 2 jejer ing karangan utawa plot, lan 3 tulisan mawa irah-irahan tinamtu.
                                     

1. B

  • bir saka tembung bier tegesé inuman bangsa legèn.
  • buk saka tembung boek tegesé buku utawa cathetan.
  • brug saka tembung brug tegesé kreteg.
  • benèt saka tembung kabinèt tegesé lemari cilik cendhèk.
  • balok saka tembung balk tegesé kayu sing wis diprèjèngi wangun pesagi.
  • barliyan utawa barléyan saka tembung brillant tegesé intên kang wus disarawèdi.
  • beskuwit utawa besuwit saka tembung beschuit tegesé panganan bangsa roti.
  • baron saka tembung baron tegesé sesebutané pangéran ing Éropah.
  • branduwin saka tembung brandewijn tegesé inuman bangsa legèn kang mendemi banget.
  • bur saka tembung boor tegesé piranti dianggo ngunceki utawa gawé bolongan; jara.
  • bas saka tembung baas tegesé lelurahé wong nyambut gawé, kaya ta tukang kayu lan tukang watu.
  • botol utawa botel saka tembung bottel tegesé gendul.
  • bulsak saka tembung bulzak tegesé kasur.
  • bregada saka tembung brigade tegesé prajurit sagolongan.
  • blodir saka tembung berduren tegesé sulam.
  • Batawi saka tembung Batavia tegesé Kutha Batavia saiki Jakarta lan sing ndunungi.
  • bum saka tembung boom tegesé wesi utawa kayu dawa cacadané kréta.
  • boncis utawa buncis saka tembung boontjes tegesé tetuwuhan bangsa kara.
  • buwi saka tembung boei tegesé kunjara.
  • baki saka tembung bakje tegesé témbor.
  • bangku saka tembung bank tegesé 1 dhingklik palinggihan lan 2 méja sikilané cendhèk.
                                     

2. D

  • drèl saka tembung drillen tegesé unining bedhil bebarengan kanggo kurmat. Tembung varian: edrèl.
  • derbus deleng tembung derbis.
  • derbis saka tembung donderbus tegesé jinis bedhil.
  • delèr saka tembung Edel Heer tegesé sesebutané para warga Rad Indiya.
  • dim saka tembung duim tegesé 1 1/12 kaki ± 2.54 cm.
                                     

3. Dh

  • dhamdhaman deleng tembung dham.
  • dhuwit saka tembung duit tegesé sarananing urup-urupan kang diwujudi ing cithakan tembaga utawa slaka.
  • dhongkrah saka tembung dommekracht tegesé piranti dianggo ngegol montor.
  • dhus saka tembung doos tegesé wadhah kothakan kang digawé dluwang kandêl.
  • dholok saka tembung dolk tegesé glathi.
  • dhipisi saka tembung divisie tegesé golongan prajurit.
  • dham saka tembung damspel tegesé aran dolanan nganggo blabag digambari pesagèn-pesagèn abang putih utawa irêng putih.
  • dhongkrak deleng tembung dhongkrak
  • dhis saka tembung dienst tegesé dadi saradhadhu.
  • dhangsah saka tembung dansen tegesé jogèd cara Éropah.
                                     

4. G

  • gelas saka tembung glas tegesé piranti kanggo ngombé saka kaca.
  • gitnisa saka tembung grootkruis tegesé palang gedhé.
  • gas saka tembung gaas tegesé jisim kang kaanané kaya hawa.
  • gèsper saka tembung gesp lan gespen tegesé timangan cathokan cilik.
  • gurnat saka tembung granaat tegesé piranti kanggo njeblukaké bangsané bom.
  • gladri utawa gadri saka tembung galderij tegesé èmpèr ngarêp.
  • gupremèn saka tembung gouvernement tegesé pamaréntah.
  • guldhen saka tembung gulden tegesé rupiyah.
  • grutni, gruteni, utawa teni saka tembung grootenne tegesé sandhangan dhines.
  • guprenur saka tembung gouverneur tegesé lelurah wewengkon.
  • got saka tembung goot tegesé larèn utawa kalèn.
                                     

5. J

  • jas saka tembung jas tegesé klambi lanang potongan Kulonan.
  • juris utawa joris saka tembung joris tegesé kethèk.
  • jendral saka tembung general tegesé panggedhéning prajurit.
  • jongos saka tembung jonges tegesé 1 batur Walanda, lan 2 paladèn ing hotèl lsp.
  • jager saka tembung jager tegesé aran prajurit.
  • jenèwer saka tembung janever tegesé aran inuman keras.
  • juli saka tembung juli tegesé aran sasi kang kapitu.
                                     

6. K

  • kenur saka tembung snur tegesé 1 bolah rami lan 2 tali ing pancing.
  • koki saka tembung kok utawa kokkin tegesé tukang olah-olah.
  • kopi saka tembung koffie tegesé aran wit lan wohé kang digawé wédang bubuk.
  • kar saka tembung kaart tegesé petha utawa gambar bumi.
  • kontrak saka tembung kontrakt tegesé prajanjian nyambut gawé.
  • kestèl utawa setèl saka tembung stel tegesé prangkat utawa rakitan.
  • kruwik saka tembung kruik tegesé goci.
  • kokis saka tembung kukjes tegesé roti saèmper apem.
  • kestal, setal, kestalan saka tembung stal tegesé gedhogan.
  • kantin saka tembung cantine tegesé 1 kamar kasukan ing bètèng, 2 papan padhaharan.
  • kenèker utawa nèker saka tembung knikker tegesé dhir.
  • kaléja saka tembung kleedje tegesé klasa.
  • kompor utawa komper saka tembung komfoor tegesé anglo mawa oncor lenga utawa gas.
  • kumendur saka tembung kommandeur tegesé aran pangkat panggedhé saradhadhu.
  • koper saka tembung koffer tegesé pethi dianggo wadhah sandhangan.
  • kemidhi, komidhi, utawa kumidhi saka tembung komidie tegesé tontonan ulah kaprigelan.
  • kokar saka tembung kokarde tegesé ciri rupa pita.
  • kumendhan saka tembung kommandant tegesé lelurah saradhahdu.
  • kakus saka tembung kakhuis tegesé jumbleng.
  • krebin, karabin utawa karibin saka tembung karabijn tegesé bedhil cilik.
  • kètèl saka tembung ketel tegesé cèrèt gedhé.
  • kaptin utawa kapitan saka tembung kapitein tegesé 1 aran pangkat panggedhé saradhadhu lan 2 panggedhé kapal.
  • kumpeni saka tembung compagnie tegesé pakumpulan dagang.
  • kemandhah saka tembung kommando tegesé aba-aba utawa pakon sajeroning kaprajuritan.
  • kristin, krastin, kestin, utawa kesting saka tembung satijn tegesé bakal saèmper sutra.
  • kelah saka tembung klagt tegesé gugat.
  • kaos saka tembung kous tegesé mojah sikil utawa tangan.
  • kelam saka tembung klamp tegesé wilahan wesi utawa kayu dianggo pikukuhing sambungan.
  • krebil utawa kerbil saka tembung korbeel tegesé kayu sanggan blandar mencok ing saka.
  • kenap saka tembung knaap tegesé méja cilik bunder utawa pesagi.
  • kul saka tembung kool tegesé kobis.
  • kèker saka tembung kijker tegesé piranti dianggo ndedeleng barang kang adoh-adoh.
  • kespur utawa sepur saka tembung spoor tegesé kreta api.
  • kap saka tembung kap tegesé thonthor.
  • kestabel utawa setabel saka tembung constabel tegesé prajurit mriyeman.
  • klonyo utawa plonyo saka tembung cologne tegesé lênga wangi.
  • kopral saka tembung korporaal tegesé aran pangkat saradhadhu.
  • kestop utawa setop saka tembung stof tegesé jinis bakal kanggo gawé klambi.
  • kulnèl, kolènèl, utawa kurnèl saka tembung kolonel tegesé pangkat panggedhé saradhadhu.
  • kèlèr saka tembung kelder tegesé kothak wadhah gendul jenèwer.
  • kandelar utawa pandelar saka tembung kandelaar tegesé ajug-ajug lilin.
  • kantor saka tembung kantoor tegesé papan dianggo ngurus bab administrasi.
  • kusir saka tembung kutsier tegesé tukang nglakokaké kréta.
  • kenir saka tembung knier tegesé èngsèl lawang.
  • kiper saka tembung keper tegesé kang njaga gul tumrap dolanan bal-balan.


                                     

7. L

  • lésiyun saka tembung legioen tegesé prajurit.
  • lat saka tembung laat tegesé kasèp.
  • legandir saka tembung grenadier tegesé prajurit mawa grenat.
  • laken saka tembung laken tegesé sengkelat.
  • lot saka tembung lood tegesé 1 layang sing ana angkané kanggo lotré, lan 2 timah gilig lancip digandhulaké kanggo nyumurupi jejeg lan orané cagak, témbok, lsp.
  • lès saka tembung lezen tegesé piwulang utawa kursus.
  • lespangan saka tembung spaning tegesé aran lelara ing weteng.
  • lis saka tembung lijst tegesé 1 plisiran ing kayu utawa témbok sing mbrenjul, lan 2 cathetan urut-urutaning jeneng, lsp.
  • lèker saka tembung lekker tegesé énak.
  • legunder saka tembung gragonder tegesé prajurit jejaranan.
  • litnan saka tembung luitenant tegesé aran pangkat saradhadhu utawa panggedhéning bangsa Cina utawa Arab.
  • lantéra saka tembung lantaarn tegesé damar.
  • labrag saka tembung rabraken tegesé pilara.
  • landrat saka tembung landraad tegesé pangadilan sing mriksa prakara.
  • lèger saka tembung legger tegesé tong gedhé kanggo wadhah banyu.
  • loji saka tembung loge tegesé omah gêdhong.
  • lapur saka tembung rapport tegesé ngaturaké prakara apa-apa marang pulisi, lsp.
  • loper utawa lopor saka tembung looper tegesé kenèk kang nuntun jaran rakitan.
  • lak saka tembung lak tegesé bangsaning jabung warna abang.
  • lentéra deleng lantéra.
  • los saka tembung loods tegesé ikal-ikalan.


                                     

8. M

  • musikan saka tembung muziekant tegesé juru musik.
  • mayor saka tembung majoor tegesé pangkat sadhuwuring kaptin.
  • musik saka tembung muziek tegesé bangsa gamelan Éropah.
  • mestri saka tembung meester tegesé sebutaning dhukun.
  • mal saka tembung mal tegesé klebut.
                                     

9. P

  • porok saka tembung vork tegesé garpu.
  • pregul utawa pergul saka tembung verguld tegesé nyepuh nganggo emas.
  • pursekot saka tembung voorschot tegesé empingan.
  • polong saka tembung peulen tegesé woh-wohan bangsa kacang lan kapri.
  • presil utawa persil saka tembung perceel tegesé bumi nagara kang diséwa 75 taun.
  • perklaring saka tembung verklaring tegesé layang katerangan ing prakara. Tembung varian: uperklaring.
  • pal saka tembung paal tegesé ukuran dawa 1507 m.
  • plitur saka tembung polituer tegesé cèt dianggo nggilapaké piranti kaya ta méja lan kursi.
  • pokrol utawa pokrul saka tembung procureur tegesé juru ngembani prakara ana ing pangadilan.
  • pot saka tembung pot tegesé jembangan wadhah tamanan.
  • plat saka tembung plaat tegesé blébékan sèng.
  • pilar saka tembung pilaar tegesé saka gedhé kang digawé témbok.
  • pestil utawa pastil saka tembung pastel tegesé panganan saèmper kuwih.
  • pun saka tembung pond tegesé bobot ½ kg.
  • pabrik saka tembung fabriek tegesé panggonan gawé barang sarana mesin-mesin.
  • prèi saka tembung vrij tegesé libur; lèrèn ora sekolah utawa nyambut gawé.
  • pompa saka tembung pomp tegesé piranti dianggo nyêmprotake banyu utawa angin.
  • patrol utawa patroli saka tembung patrouille tegesé nganglang njaga.
  • panci utawa pancé saka tembung pannetje tegesé piranti mangsak gilig saka logam.
  • picis saka tembung pietje tegesé 1 dhuwit lan 2 ketip; 10 sèn.
  • ponès saka tembung vonnis tegesé pepancasan pangadilan
  • pistul saka tembung pistool tegesé bedhil cilik lan cendhak.
  • plèster saka tembung pleister tegesé tamba tatu.
  • polèt saka tembung epoulet tegesé très utawa setrip ing lengenan.
  • prenis utawa pernis saka tembung vernis tegesé aran cèt gilap.
  • pak saka tembung pacht tegesé pajeg marang nagara supaya kena adol apyun utawa bukak gadhéan.
  • partikelir saka tembung particulier tegesé dudu yeyasan nagara, dudu dhines.
  • patrum saka tembung patroon tegesé jubungan isi obat lan mimis.
  • pir saka tembung veer tegesé wilahan waja tipis lan mendal, kaya ta ing rodha kréta.
  • permili saka tembung familie tegesé sanak sêdulur.
  • pondhemèn utawa pandhemèn saka tembung fondament tegesé bebatur utawa tetales omah kang dipendhem.
  • pas saka tembung pas tegesé trep.
  • plès saka tembung flesch tegesé gendul.
  • poci saka tembung potje tegesé téko.
  • plesir utawa plaisir saka tembung pleizier tegesé mlancong utawa dolan-dolan.
  • presèn utawa persèn saka tembung present tegesé bebungah.
  • pulmak saka tembung volmagt tegesé wewakil.
  • plekat saka tembung plakaat tegesé undhang-undhang.
                                     

10. R

  • rebal utawa perbal saka tembung proces-verbaal tegesé cathetan papriksané prakara kang bakal katur marang pangadilan.
  • roki utawa rok saka tembung rok tegesé klambi dawa.
  • rad saka tembung raad tegesé keklumpukané wong sing kajibah ngrembug utawa awèh pamrayoga.
  • rolak utawa rolah saka tembung rollang tegesé bata kang ditata ngadeg ing sadhuwuring palang kori.
  • rus saka tembung roos tegesé kembang mawar abang.
  • rolis saka tembung rollezen tegesé nacahaké kuli nyambut gawé.
  • russedhah saka tembung rustdag tegesé dina libur.
  • règen saka tembung regent tegesé bupati.
  • rumpi saka tembung rompye tegesé klambi jas kotang kanggo rangkepan klambi jas bukak.
  • rèken saka tembung reken tegesé réka.
  • rol saka tembung rol tegesé pangadilan kang mriksa prakara palanggaran cilik-cilik.
  • ram saka tembung ram tegesé 1 jendhéla lan 2 wengkuné pangilon.
  • rangsum saka tembung rantsun tegesé pangan kanggo saradhadhu.
  • répot saka tembung rapport tegesé rèbyèg.
  • résidhèn saka tembung resident tegesé priyayi Walanda sing dadi panggedhéné wewengkon.
  • rundha utawa rondha saka tembung ronde tegesé nganglang ing wayah bengi.
  • rikning utawa rèkening saka tembung rekening tegesé itung.


                                     

11. S

  • suldhat saka tembung soldaat zie saradhadhu tegesé prajurit.
  • selomprèt deleng tembung slomprèt.
  • sekoci saka tembung schuitje tegesé jinis prau cilik.
  • setut saka tembung stoot tegesé 1 pungkasané sabuk wlulang, 2 sabuk.
  • sègel saka tembung zegel tegesé cap atas nama pamaréntah racaké minangka pasaksiné prajanjian.
  • soklat saka tembung chocolaad tegesé panganan bubukan saka woh wit.
  • slomprèt saka tembung trompet tegesé unèn-unèn sing anggoné ngunèkaké sarana disebul. Tembung varian: salomprèt, selomprèt, tarompèt.
  • salébrak utawa slébrak saka tembung schabrak tegesé lèmèk lapak.
  • sepèn saka tembung dispens tegesé kamar kanggo wadhah panganan.
  • selèdri utawa slèdri saka tembung selderij tegesé sayuran sing dianggo campuran sop, bakso; Apium graveoles.
  • sak saka tembung zak tegesé kanthongan klambi.
  • setrap saka tembung straf tegesé paukuman.
  • setriman saka tembung stuurman tegesé juru mudhi.
  • sekongkel saka tembung gekonkel tegesé sekuthu.
  • sopi saka tembung zoopje tegesé jinis arak.
  • setat saka tembung staat tegesé layang klowongan kang diisèni katrangan prakara warna-warna.
  • salomprèt, deleng tembung slomprèt.
  • senapan saka tembung snaphaan tegesé bedhil.
  • semur saka tembung gesmoord tegesé aran lelawuhan.
  • setiwel saka tembung stevel tegesé wlulang urungé sikil lumrahé dianggo ana bal-balan.
  • sosis saka tembung saucijs tegesé daging cacah dibumboni diwangun bumbungan.
  • srebèt utawa serbèt saka tembung servet tegesé kacu.
  • sepir saka tembung cipier tegesé wong sing njaga kunjara.
  • semir saka tembung smeer tegesé barang lintreg-lintreg dianggo nggosok sepatu, ngireng rambut, lsp.
  • setrup saka tembung stroop tegesé jurjuran gula dicampuri banyu woh-wohan
  • sop saka tembung soep tegesé jangan digawé duduh iwak.
  • sekotor saka tembung kotter tegesé jinis prau.
  • setrika saka tembung strijken tegesé piranti dianggo ngêlus klambi.
  • sekonyar saka tembung schooner tegesé jinis prau.
                                     

12. T

  • tesmèn saka tembung testament tegesé wasiyat.
  • taplak saka tembung tafellaken tegesé lawon lèmèk méja.
  • tuwidhé, deleng tembung twidhe.
  • taksir saka tembung taxeer tegesé pangira-ira tumrap wuragad. Tembung varian: teksir, kala-kala uga tapsir lan tepsir.
  • tir saka tembung teer tegesé barang cuwèr rupané ireng sok dianggo ngecèt.
  • tèken saka tembung teeken tegesé tandha tangan.
  • taromprèt, deleng tembung slomprèt.
  • twidhe saka tembung tweede tegesé angka kaping kalih.
  • tar saka tembung taart tegesé panganan bangsa roti.
  • teksir, deleng tembung taksir
  • tambur saka tembung tamboer tegesé unèn-unèn bangsa trebang urungé cendhak wlulangé kiwa tengen sarta nganggo èthèr-èthèr.
  • tapsir, deleng tembung taksir
  • tepsir, deleng tembung taksir
  • tong saka tembung ton tegesé wadhah sing digawé kayu.
                                     

13. U

  • upas saka tembung oppasser tegesé batur kang dianggo kongkonan, lumrahé ana ing kantor-kantor.
  • usar saka tembung huzaar tegesé prajurit jejaranan.
  • uperklaring saka tembung op verklaring deleng tembung perklaring.
  • upsir saka tembung officier tegesé aran pepangkatan ing saradhadhu.
  • urdi saka tembung order tegesé dhawuh.
  • urdenas saka tembung ordonnans tegesé utusan.