Back

ⓘ Kulawarga basa Filipina




Kulawarga basa Filipina
                                     

ⓘ Kulawarga basa Filipina

Sajeroning linguistik, kulawarga basa Filipina ya iku golonganing basa kang diusulaké Robert Blust nalika taun 1991. Usulané mratélakaké manawa basa-basa kang kapernah ing Filipina lan Sulawesi bang lor - kajaba basa Sama–Bajo lan sawenèh basa ing Palawan - padha nunggal kulawarga turunan saka trah basa Austronésia. Masiya laladan Filipina cedhak teleng pasebaraning wong Austronésia, ya iku Pulo Formosa, kaanan warna basa ing kana mung sithik saka udakara 150 basa Filipina kang ana. Iki nuduhaké yèn warna basa kang ana sadurungé nuli ora lestari mentas sumebaring nènèk moyaning para nutur basa-basa Filipina modhèren. Kulawarga basa Filipina minangka kulawarga basa tan-Formosa kang tuwa dhéwé sajeroning trah basa Austronésia. Sawenèh basa isih nguri-uri uni pepet saka basa proto-Austronésia lan purwakanthi uni d–r, kang padha ora lestari ana ing basa-basa Sunda–Sulawesi.