Back

ⓘ Fonotaktik




                                     

ⓘ Fonotaktik

Fonotaktik iku cawang fonologi kang nyinaoni wates-wates ing siji basa, mligi ngenani gabungan-gabungan fonem apa waé kang kena ana ing siji basa. Fonotaktik nemtokaké apa-apa kang diéntukaké ing susunan wanda, janjang wyanjana, lan urutan swara sarana wates fonotaktis.

Wates fonotaktis iku béda-béda saben basa. Contoné, ing basa Jepang, janjang wyanjana kaya ta /st/ ora ana. Saèmper, uni /kn/ lan /ɡn/ ora kena miwiti tembung ing basa Inggris Anyar, nanging kena ing basa Jerman lan Walanda, dalah kena ing basa Inggris Kuna lan Tengahan. Sawaliké, ing sawenèh basa Slav uni /l/ lan /r/ malah minangka uni swara.

Wanda nduwéni susunan pérangan njero mangkéné:

  • Rima kudu, dumadi underan lan kodha
  • Underan kudu
  • Pamula manasuka
  • Kodha manasuka

Pamula lan kodha kekaroné kena suwung. Mula, ana wanda kang dumadi saswara. Liyané iku, underan uga bisa wujud wyanjana wanda. Disumurupi, fonotaktik iku mrabawani pangolèhing kosa tembung basa kapindho.

                                     

1. Rujukan

Cathetan sikil Bibliografi
  • Laufer, B. 1997. "Whats in a word that makes it hard or easy? Some intralexical factors that affect the learning of words". Vocabulary: Description, Acquisition and Pedagogy. Cambridge: Cambridge University Press. pp. 140–155. ISBN 9780521585514. CS1 maint: ref=harv link