Back

ⓘ Sofyan RH. Zaid




                                     

ⓘ Sofyan RH. Zaid

Sofyan RH. Zaid ya iku salah sijiné sastrawan saka Indonésia. Jenengé wis kawentar ing jagat sastra Indonésia kanthi karya-karyané wujud geguritan lan kajian sastra kang diemot ana ing ariwarta utawa kalawarta Indonésia, antarané Media Indonesia, Bali Post, Indopos, Padang Ekspres, Pikiran Rakyat, Riau Pos, Seputar Indonesia, Solopos, Merapi, Suara NTB, Banjarmasin Post, Metro Jambi, Minggu Pagi, lan liya-liyané. Sofyan kalebu salah sijiné pujangga kang mèlu ing Komunitas Negeri Poci.

                                     

1. Riwayat

Sofyan RH. Zaid kang nduwéni jeneng asli Supyan, lair ing Kabupatèn Sumenep, Jawa Wétan Madura, 8 Januari 1986. Dhèwèké nyenengi donyané kesenian awit isih cilik, kanthi "nyolong" buku-buku wacan bocah ing kapustakan sekolah kang ora karumat, lan uga sapérangan kumpulan buku kang dipangan rayap. Awit saka iku, dhèwèké miwiti sinau nulis sastra, kaya ta carita cekak lan puisi nganti pungkasané karya-karyané dikirim lan diemot ing kaca Cermin, Kaki Langit, lan kalawarta sastra Horison. Sabanjuré, dhèwèké nerusaké sinau sastra ing Pondok Pesantren Annuqayah Lubangsa Raya, Guluk-guluk, Sumenep. Ing kana dhèwèké tambah sregep ngasah kaprigelan lumantar komunitas, kolèksi buku, lan kultur kang lumaku ing pesantrèn. Nalika iku, sapérangan karyané, wiwit dimot ana ing ariwarta lan kalawarta Kuntum, Sahabat Pena, Radar Madura, Annida, Horison, lan liya-liyané. Sofyan uga mèlu pirang-pirang pasanggira cipta geguritan tataran siswa sa-Madura.

Katresnané tumrap donyané sastra, mligi geguritan, tambah gedhé sawisé dhèwèké pindah menyang Jakarta, nerusaké sekolah ing pawiyatan luhur, Universitas Paramadina, Jurusan Falsafah lan Agama. Sapérangan karyané, akèh kang diemot ing manéka ariwarta, kaya ta Media Indonesia, Bali Post, Indopos, Padang Ekspres, Pikiran Rakyat, Riau Pos, Seputar Indonesia, Solopos, Merapi, Suara NTB, Banjarmasin Post, Metro Jambi, Minggu Pagi, lan sapanunggalané.

Buku geguritan kang kapisan, Pagar Kenabian pangecapan TareSI, 2015 nyoba nawakaké wujud anyar geguritan Indonésia kang coraké nadham utawa kang luwih kawèntar kanthi jejuluk" puisi pagar”, mlebu 15 nominasi Anugerah Hari Puisi Indopos 2015. Lumantar saka tulisan babagan puisi pagar lan bukuné mau saka para bebrayan sastra ing koran-koran, rupa-rupa tanggapan tuwuh. Ana kang sarujuk, ana kang ora sarujuk. Kabèh tanggapan kuwi pungkasané dikumpulaké lan diemot minangka buku kanthi sesirah Puisi Pagar: Buku tentang buku Pagar Kenabian karya Sofyan RH. Zaid pangecapan TareSI 2017. Saliyané nulis sastra, Sofyan uga nglakoni pagawéyan minangka konsultan lan pambesut.

                                     

2. Karyané

  • Sala dalam Puisi Pawon, 2014
  • Surat-surat Cinta Untuk KPK Diva, 2012
  • Titik Temu KJ, 2014
  • Pasie Karam DKAB, 2016, dan lainnya.
  • Suara 5 Negara Tuas Media, 2012
  • 1000 Haiku Indonesia KKK, 2015
  • Nun Indopos, 2015 Lentera Sastra II Antologi Puisi 5 Negara, 2014
  • Bersepeda ke Bulan Indopos, 2014
  • Empat Amanat Hujan DKJ, 2010
  • Tifa Nusantara I,II &III TKSN, 2013, 2015, 2016
  • Negeri Laut DNP VI, 2015
  • Pengantin Langit KSI, 2014
  • Saksi Bekasi TareSI, 2015
  • Berguru pada Goethe: Analisis Sufistik Puisi-Puisi Johann Woflgang van Goethe 2017
  • Biarkan Aku Memningmu dengan Puisi EKBT, 2007
  • Pagar Kenabian 2015
  • Narasi Tembuni KSI, 2012
  • Gelombang Puisi Maritim DKB, 2016
  • Negeri Langit DNP V, 2014
                                     

3. Pangaji

  • Juara II Cipta Puisi Nasional" Pesan Damai untuk Seluruh Manusia” PCINU Maroko, 2017
  • Juara I Lomba Cipta Puisi se-Sumenep Tingkat SLTP Disparbud Sumenep, 2000
  • Juara II Lomba Cipta Puisi se-Madura Tingkat Pelajar STAIN Pamekasan, 2003
  • Juara I Lomba Baca Puisi" Milad Cak Nur” Tingkat Mahasiswa Universitas Paramadina, 2008