Back

ⓘ The Ticket (filem)




The Ticket (filem)
                                     

ⓘ The Ticket (filem)

The Ticket ya iku filem drama saka Amérikah Sarékat kang digawé ing taun 2016, disutradarani Ido Fluk, dhedhasar skenario kang dianggit Ido Fluk bareng Sharon Mashihi. Sing maragani film iki ya iku Malin Åkerman, Dan Stevens, Kerry Bishé, Oliver Platt, Liza J. Bennett, lan Skylar Gaertner.

The Ticket diputer kaping pisan ing pahargyan Tribeca Film Festival, tanggal 16 April 2016, lan dibabar kanggo bebrayan ing Amérikah Sarékat ing 7 April 2017, déning Shout! Factory.

                                     

1. Ringkesan

James, kang nandang tuna netra awit umur 13 taun, nglakoni urip rahayu bareng bojoné, Sam lan puteriné, Jonah. Sawijining dina, dhèwèké matané bisa weruh manèh lan nemu yèn tumor hipofisis kang bisa dioperasi wis nggencèt saraf optik awit dhèwèké isih remaja wis bisa mari alon-alon. Mumet awit saka karahayone ing satengahe bebrayan, James lan Sam nggawé rencana kanggo dina mbesuké. Nanging, James malah nemu awaké wis digawé wuta déning penggayuh cèthèk sadrema kanggo ngoyak kasuksèsan.

                                     

2. Riwayat

Ing sasi Agustus 2014, Malin Åkerman lan Dan Stevens nyawiji ing film iki, bareng karo Ido Funk kang bakal tumindhak minangka sutradara dhedhasar skenario anggitané bareng karo Sharon Mashihi. Lan Oren Moverman lan Lawrence Inglee didhapuk dadi prodhuser, sawatara Dale Brown, Nick Byasse, lan Katie Heidy nyengkuyung minangka prodhuser èksekutif liwat gendera perusahaan filemè Cave Films, Initiate, lan Liberty Liquid Films. Ing sasi iku uga Oliver Platt lan Kerry Bishé mratelakkè bisa nyawiji ing proyek film. Film iki lumayan manéka warna sambutané. Para kritikus ngalem paraga lan elemen-elemen sinematik, nanging ya gumun kok filem iki katon alon lan gampang dibedhèk dalan critane.

                                     

3. Dibabar

Filem iki diputer kapisan ana ing pahargyan Tribeca Film Festival tanggal 16 April 2016. Ora let suwé saka kuwi, Shout! Factory nuku hak dum filem lan mbabar winatesan liwat video on demand tanggal 7 April 2017.