Back

ⓘ The Discovery (filem)




The Discovery (filem)
                                     

ⓘ The Discovery (filem)

The Discovery inggih punika filem Fiksi sains romantis saking Inggris ingkang kadamel ing taun 2017. Filem punika dipunsutradarani Charlie McDowell, dhedhasar skénario anggitanipun Justin Lader lan McDowell. Ingkang maragani filem punika antawisipun Rooney Mara, Jason Segel, Robert Redford, Jesse Plemons, Riley Keough, lan Ron Canada. The Discovery dipun-giyaraken ingkang kaping pisan ing pahargyan Sundance Film Festival, surya 20 Januari 2017.

                                     

1. Latar wingking

Ing wulan Oktober 2015 wonten pawartos bilih Rooney Mara lan Nicholas Hoult sampun ngrancang pratélan juru paraga priya lan wanita ingkang badhé dipunpracaya maragani satunggalipun filem, dipunsengkuyung déning Charlie McDowell minangka sutradara, dhedhasar skénario anggitanipun piyambak, sesarengan kaliyan Justin Lader. Alex Orlovsky lan James D. Stern badhé dados prodhuser awit sangandhapipun wewengkon Verisimilitude lan Endgame Entertainment. Ing wulan Maret 2016 dipunpratélaken bilih Robert Redford lan Jason Segel sumadya nayawiji ing proyèk filem kasebat, Segel nggantos Hoult ingkang mundur jalaran bentrokan kagiyatanipun piyambak. Ing wulan ingkang sami, Riley Keough lan Jesse Plemons nyusul nyawiji. Danny Bensi lan Saunder Jurriaans kadhapuk minangka juru musik pangiring filem punika.

Pandamelan filem punika kawiwitan ing surya 28 Maret 2016, mundhut papan panggènan wonten Newport, Rhode Island. Kalebet ing surya 1 Mèi 2016. Ing wulan Juni 2016, Netflix numbas hak pangeduman filem punika, lan dipunbabar ing wulan Januari taun 2017.