Back

ⓘ Wajikan




                                     

ⓘ Wajikan

Wajikan asalé sing tembung wajik, ya iku aran panganan kang digawé sing beras ketan. Warnaé soklat tuwa lantaran nganggo gula kelapa. Diarani wajkan, amarga rupa paés umah iki kaya irisan wajik kang dhapuré belah ketupat. Ana keding kang nyebuté iku sengkulunan. Nanging sengkulunan iku aran motif bathik kang dhapuré gen belah ketupat. Paésan umah wajikan iki duwé garis tepi kang sisié pada, ana keding kang langka garisé. Isié wajikan iki bias nganggo rupa godong-godongan baka dideleng sing arep. Cara gawéé ya iku dipahat ukir kayu lan digawé copot sing balok kayu kang arep dipai paésan, dadi manjingé paésan kang ora konstruksional. Paésan iku ditaro ning tengah-tengah saka cagak atawa titik nyilang balok kayu kang nyudut ning rajeg kayu wangunan. Warna biasaé dipai kang kontras karo warna dhasar, misalé warna kuning ditaro ning kang warna dasaré abang. Paésan iki mesti ana warnaé. Maksud paésan iki ngupai rasa indah lan ngurangi rasa dhuwur ning saka umah.