Back

ⓘ Thomas Hylland Eriksen




Thomas Hylland Eriksen
                                     

ⓘ Thomas Hylland Eriksen

Thomas Hylland Eriksen ya iku ahli antropologi saka Oslo, Norwegia, kalairan taun 1962. Tingkat pandhidhikané Thomas olèh saka University of Oslo. Ing taun 1984, Thomas olèh gelar BA, taun 1987 gelar MA, lan taun 1991 gelar Ph.D. Thomas iki naté nglakoni panlitian lapangan ana ing Mauritius lan Trinidad taun 1989. Dhéwéké wis nulis werna-werna karya tulis, antarané iku Us and Them in Modern Societies: Ethnicity and Nationalism in Trinidad, Mauritius and Beyond, Ethnicity and Nationalism, Small Places, Larger Issues. An Introduction to Social and Cultural Anthropology, lan Common Denominators: Ethnicity, Nationalism and the Politics of Compromise in Mauritius. Pakaryan lan panemu mligi Thomas Eriksen iki ya iku ana ing bab ètnisitas lan nasionalisme kang dioléhké saka kasus ing Mauritius lan Trinidad. Thomas bisa nuduhaké kompléksitas lan ambiguitas klasifikasi ètnik ana ing bebrayan multiètnik. Liyané iku, Thomas uga produktif banget pakaryané ing basa Norwegia lan nulis bab hubungan biologi lan antropologi.