Back

ⓘ Acoustic Kitty




                                     

ⓘ Acoustic Kitty

Acoustic Kitty iku proyèké CIA sing dibabar déning Direktorat Ilmu Pengetahuan & Teknologi CIA, ing taun 1960-an diancasé kanggo nggunakaké kucing kanggo mata-mata ing Duta Besar Kremlin lan Uni Sovyèt.

                                     

1. Bêdhahing kucing

Supaya bisa ngrêkam, kudu ditambahi piranti khusus. Ing prosêdur sing suwéné sak jam, dhoktêr bêdhah kéwan nanêm mikropon ing lobang kuping kucing, pamancar radhio cilik ing têngkoraké, lan kabêl lancip mênyang sawijining wuluné. Iki bakal ngidini kucing ngrêkam lan ngirimaké swara sakcêdhaké. Amarga gampang kêganggu, rasa luwéné kucing bakal dibênakaké ing opêrasi liyané supaya ora ngrasa luwé manèh. Tur, kucing mau diajari supaya manut lan bisa nglakoni tugasé kanthi bênêr.

                                     

2. Biyaya lan wêktu

Proyèk iki mlaku suwéné 5 taun saka taun 1961 nganti taun 1966. Iku uga wêktu kanggo bêdhah, masang piranti, lan ngajari kucingé. Victor Marchetti, manten pêjabat CIA, ngomong yèn Proyèk Acoustic Kitty ngêntèkké biyaya watara $20 yuta.

                                     

3. Tugas pisanan lan gagalé

Tugas pisanan Acoustic Kitty iki kanggo nyadap rong wong ing taman njaba Kadutaan Sovyèt kanggo Amérikah Sarékat ing Wisconsin Avenue ing Washington, D.C. Kucing iki diculké cêdhak toko, nanging mati kêtabrak déning taksi. Nanging, iki ana gègèran ing 2013 dêning Robert Wallace, mantan Direktur Kantor Layanan Teknis CIA, sing ngêndika yèn proyèk iki ditilar amarga kangèlan nglatih kucing kanggo nindakaké sing dibutuhaké, lan "Alat iki dijupuk mêtu saka kucing; kucing iki dibêdhah manèh kanggo wêktu kapindho, banjur urip suwé lan sênêng saktêrusé". Ujian-ujian saktêrusé uga gagal. Sakbanjuré proyèk iki dianggêp rampung lan dibyawarakaké kanthi aran "gagal total".

Proyèk iki dibatalaké ing taun 1967. Mémo pungkasan ngomong yèn panêliti CIA pracaya yèn padha bisa nglatih kucing kanggo mlaku jarak kanthi cêndhak, nanging "faktor lingkungan lan kêamanan ing nggunakaké cara iki ing panggon asing mêksa awaké dhéwé kanggo nyimpulké yèn kanggo tujuan intélêjén awaké dhéwé, iki bakal dadi ora praktis." Proyèk iki dibèbèrké ing taun 2001, nalika sawêtara dokumén CIA padha dibyawarakaké.



                                     

4. Wacan tambahan

  • The Agency: The Rise and Decline of the CIA Agensi: Munggah lan Miduné CIA, John Ranelagh, rev. ed., New York: Simon & Schuster, 1987, ing hal. 208.