Back

ⓘ Sesambungan antarané Indonésia lan Kazakhstan




Sesambungan antarané Indonésia lan Kazakhstan
                                     

ⓘ Sesambungan antarané Indonésia lan Kazakhstan

Sesambungan antarané Indonésia lan Kazakhstan ya iku sesambungan diplomatik antarané Indonésia karo Kazakhstan. Sesambungan iki resmi kawangun ing taun 1993. Indonésia lan Kazakhstan duwé sawenèh bab sing padha; kaloro nagara kasebut kalubèran sumber daya alam, nduwèni masarakat kang mayoritas Muslim modhérat, lan mesthèkaké pirukunan ing bhinéka lan prasetya kanggo hak-hak manungsa lan dhémokrasi. Kaloro nagara wis sarujuk kanggo ningkataké kerja sama ing pira-pira bidhang kaya ta tetanen, industri, farmasi, gas lan petrolèum, transportasi, insfrastruktur, sarta nggawé mesin. Indonésia nduwéni sawijiniing kedutaan besar ing Astana, banjur Kazakhstan nduwèni sawijining kedutaan besar ing Jakarta. Loro-loroné padha-padha anggota saka Organisasi Kerja Sama Islam.

                                     

1. Sajarah

Sesambungan antarané rong nagara kasebut diwiwiti kanthi pangakuan proklamasi kamardikan Republik Kazakhstan déning Indonésia ing 16 Dhésèmber 1991. Ing tanggal 2 Juni, 1993, Indonésia lan Kazakhstan resmi nganakaké sesambungan diplomatik. Ing tanggal 29 Dhésèmber 2010, Indonésia mbukak sawijining kedutaan besar ing Astana, kang mèlu karo bukaan saka kedutaan besar Kazakhstan ing Jakarta ing 13 April 2012.

                                     

2. Sowan kabangsan Kunjungan kenegaraan

Prèsidhèn Indonesia, Soeharto, nglakoni sowan kabangsan menyang Almaty ing sasi April taun 1995, sinartan déning sowan kabangsan Prèsidhèn Kazakhstan Nursultan Nazarbayev menyang Jakarta ing telung sasi candhake. Pitulas taun sabanjuré, Prèsidhèn Kazakhstan Nursultan Nazarbayev nglakoni sowan kabangsan menyang Jakarta wiwit tanggal 12 April nganti 14 April 2012. Prèsidhèn Indonésia Susilo Bambang Yudhoyono nglakoni sowan kabangsan balik, minangka tanggepan menyang Astana tanggal 2 Sèptèmber 2013.

                                     

3. Ékonomi

Miturut Kementerian Perdagangan Republik Indonesia, jumlahé padagangan antarané Indonésia lan Kazakhstan ing taun 2012 ngancik US$63.156 yuta, munggah 90.5% dibandingaké ing taun 2011 kanthi jumlah US$33.153 yuta.

                                     
  • Vatikan lan Palèstina. Nagara kanthi pangakuan winates ana sepuluh lan dudu minangka anggotaning PBB. Nagara cacah sepuluh iku mau ing antarané kababar