Back

ⓘ Lee Yong-dae




Lee Yong-dae
                                     

ⓘ Lee Yong-dae

Lee Yong Dae ya iku atlit badminton kang asalé saka Korea Kidul. Lee Yong Dae duwé jeneng lair Lee Young Dae 이용대. Rangking dunia 46 lan rangking tour dunia 42. Lee Yong Dae iku salah sawijining lègénda atlit badminton ganda putra Korea Kidul kang tekan seprénè isih aktif. Miwiti main badminton nalika umur 8 taun. Lee Yong Dae anggoné namplek nganggo tangan tengen. Alesan Lee Yong Dae milih badminton minangka ulahraga kang disenengi ya iku amarga lumantar badminton dhèwèké bisa ngedhunaké bobot awak. Lee Yong Dae iku salah sawijining atlit badminton kang kerep dadi juwara. Acara kang kerep dijuwarani déning Lee Yong Dae ing antarané kajuwaraan olimpiadhe, kajuwaraan donya, lan Asian Games. Lee Yong Dae uga uwis tau dadi atlit rangking 1 sadonya nalika main dadi pasangané Yoo Yong Seong Januari 2009. Minangka Brand Ambassador saka Yonex mula rakèt kang dinggo karo Lee Yong Dae ya iku Yonex, ananging uwis tau uga dhèwèké nganggo rakèt Victor kanthi seri Brave Sworld LYD. Lee yong dae miwiti dadi atlit badminton minangka ganda campuran 2008 bareng karo Lee Hyo-jung. Lee Yong Dae naté mandheg dadi atlit nasional Korea Kidul nalika taun 2017 sawisé main ing Olimpiadhe Rio De Janerio lan main menèh dadi atlit professional ing taun 2018 bareng karo pasangan anyaré ya iku Ki Gi Jung. Lee Yong Dae iku minangka atlit professional wiwit tahun 2005 ana ing acara German Open.

                                     

1. Data Dhiri

Lee Yong Dae manggon ana ing Hwasun, Jeonnam, Korea Kidul. Lee Yong Dae duwe akun instagram leeyongdae_official. Lee Yong Dae dhaup wulan Fèbruari 2017 karo artis Korea Kidul ya iku Byun Soo-mi. Lee Yong Dae lan Byun Soo-mi duwé anak wédok kang lair ing wulan Juni 2017 lan dijenengi Ye Bin. Ing pungkasan taun 2018 Lee Yong Dae mutuské yén bakal pisah karo Byun Soo-mi.