Back

ⓘ Gally Magido Rangga




                                     

ⓘ Gally Magido Rangga

Gally Magido Rangga ya iku perajin sepatu Wayout kanggo bahan kulit ana ing Bandung. Wayout duwé karakter Rock and Roll boots, karo kekhasan desain taun 1940-an. Mèrek sepatu iki kegawé sawutuhé saka bahan lokal karo komposisi kulit sapi. Sanajan desain klasik lan terkesan jadul, ning nganggo sol karet dadiné katon kasual.

                                     

1. Babad Upadi Wayout

Digawé déning 2 kanca, Gally Magido Rangga 35 lan Verawati Claudia 34, Wayout ya iku usaha gawé sepatu bot bahan kulit ing Bandung. Wiwit wolung taun kepungkur, wayout wis melanglang ana akèh daerah. Ora sitik kang diboyong marang mancanegara déning para konsumèn. Tuwuh munggah ing awal 1920-an, Cibaduyut tau jaya dadi sentra sepatu. Nanging Cibaduyut saiki ngadhepi ujian gedhé, ya iku nduwéni saingan sepatu pabrikan saka China kang kwalitasé cendhek. Modhèl kang dibajak, nganthi upah pangerja manut akèhé sing mesen, ngganggu séntra sepatu kuwi. Sakanggonan perajin ana sing nguwawa karo kreativitas dhèwèké kabèh. Nanging, sakanggonan liyané rekasa amarga ora bisa saingan kambi liyané. Babagan kuwi asring dadi alangan regenerasi perajin sepatu ing Cibaduyut. Wayout duwè karakter Rock and Roll boots, karo kekhasan desain taun 1940-an. Merek sepatu iki kegawé sawutuhé saka material lokal karo komposisi lulang sapi. Sanajan desain klasik lan terkesan jadul, ning nganggo sol karèt dadiné katon kasual.

                                     

2. Kréativitas

Gally si pengamèn dalanan kuwi saiki dadi salah siji daftar pangupadi enom sing sukses nlatèni sepatu boots. Uga dhèwèké wis mbukak upadi anyar duwè jeneng Exodos57 sing nggawa modèl sneakers. Ora nanggung para pandemen sepatu boots lan sneakers saka njero lan njaba negeri mesen produké. Bukané ora ana alesan Gally nguri-uri panggawé sepatu nganggo tangan iki. Sanadyan kuantitasé ora seakèh mesin, sepatu gawéan tangan nduwéni kualitas khas lan ana peminaté dhéwé. Ora sempurnané diregani déning akèh konsumèn. Didol Rp. 800 èwu - 3.5 yuta per pasangé, wayout ora kilangan peminaté. Kreativitas kuwi dibuktikaké karo atusan idé modèl sepatu panggawé Gally. Durung suwé iki, Gally nggawé terobosan, ya iku desain kang arupa sneakers ana ing pratelan ngisor, digabungaké karo pratelan ndhuwur karo kulit balel khas wayout.

Bahan kanvas uga ditampilaké ing sisih lan sethithik bebed tenun nang kanggonan dhuwur khas sneakers, nggawè tipe iki unik banget lan beda saka kabèh modèl sing tau ditampilaké sakaroné. Sakliyané kuwi Exodos57 kajaba kuwi, Exodos57, merek sepatu sneakers duwé Gally uga tau maling gatèkan Presiden Joko Widodo. Sepatu sing nggabungaké kanvas, kulit lan tenun iki kedadéyan mèjèng ing pamèran acara perayaan sumpah pemuda ing Istana Bogor, Oktober 2017. Jokowi uga melu muji desain sepatu sing saklebat mirip kaya Converse gaya era 70-an kuwi.

                                     

3. Panembang Dalanan

Kepenginan awèh lan terus sinau iki ora ucul saka kauripan kang angèl sing dilakoni Gally ing dalanan. Ninggalaké Tentena, tanah kelairané, dhèwèké mampir ning Surabaya sadurung ning Bandung. Ing kota kembang, dhèwèké melu karo kelompok panembang dalanan. Nganggo swarané, dhèwèké mertahanaké urip kambi kanca-kancané ning dalanan. Atiné bacut terus marang Cibaduyut. Minim kang pengalaman, bareng Claudia, dhèwèké blusukan nggolèki perajin kang nduwéni pengalaman kanggo dijak usaha bareng. Dhèwèké ketemu karo Aye Sutisna 51, perajin sepatu kang pengalaman. Ananging kabèhe ora terus mulus. Khèwèké kagèt, sakwisé ngerti kudu akèh kang disiapaké. Mulainé saka tuku alat panggawèn nganti panggonan khusus. Wektu kuwi, dhèwèké mung nduwéni pirang èwu rupiah ing dompèté. Untungé, amarga perkembangané tèknologi kang nulungi dhèwèké. F enomena adol lan tuku daring lagi megar wektu kuwi. Nganggo média sosial, dhèwèké mbuka pesenan sepatu kanggo wong wedok. Saka ngono, dhèwèké olih modal kira-kirane Rp. 2 juta saka dhuwit awalé calon sing arep tuku sepatuné. Mbutuhaké wektu setaun nganti Gally nemukaké tresna marang sepatu kang bahané kulit asli. Saka awal, dhèwèké nawaraké marang komunitas musik, pirang-pirang band lan musisi kang dhèwèké kenal wektu urip kambi nembang kang modalé swara apik. Kolaborasi karo perajin lan dolané kambi komunitas balik nggawè dhèwèké sinau. Lorone kudu dijaga sakdurungé nyiptakaké akèh karya. Ora ana gunané, duwè mimpi gawé karya apik nalika ora ngerti panggawèné utawa angèl didol.