Back

ⓘ Antonius Hubertus Thijssen




                                     

ⓘ Antonius Hubertus Thijssen

Mgr. Antonius Hubertus Thijssen, S.V.D. yaiku uskup ing Keuskupan Larantuka saka taun 1961 tumeka 1973. Sadurungé, Antonius kapracaya dadi Vikaris Apostolik Endeh saka 1951 tumeka 1961.

                                     

1. Pakaryan

Tanggal 8 September 1925, Antonius mlèbu novisiat SVD ing Helvoirt, Walanda. Dhèwèké ngucapke kaul salawasé minangka biarawan SVD taun 1931.

Antonius ditahbisaké minangka imam Serikat Sabda Allah ing tanggal 31 Januari 1932. Wiwit taun 1932 tumeka 1934 dhèwèké dadi guru ing Seminari Menengah Uden, Walanda. Sabanjuré, ngemban misi ing Kepulauan Sunda Kecil. Awit tekané 4 Oktober 1936, karo Pater van Stiphout ditugasi ing Seminari Tinggi Mataloko, Larantuka. Tanggal 15 Juli 1942, karo 118 misionaris manca liyané mara ing Sulawesi. Taun 1946 mulih manèh ing Flores lan mulang ing Seminari Tinggi St. Paulus, Ledalero.

Tanggal 8 Maret 1951, dhèwèké kadhapuk dadi Vikaris Apostolik Endeh kanthi jejuluk Uskup Tituler Nilopolis. Pandhapukan iki bareng karo pangowahané jeneng Kepulauan Sunda Kecil dadi Endeh. Sabanjuré Antonius ditahbisaké minangka uskup ing tanggal 3 Mei 1951. Vikaris Apostolik Emeritus Kepulauan Sunda Kecil kang jejuluk Uskup Tituler Arca di Armenia, Heinrich Leven, S.V.D. dadi Uskup Panahbis Utama, kairing déning Vikaris Apostolik Atambua jejuluk Uskup Tituler Candyba, Jacques Franciscus Maria Pessers, S.V.D. karo Vikaris Apostolik Larantuka jejuluk Uskup Tituler Alinda, Gabriel Wilhelmus Manek, S.V.D. 10 dina sabanjuré, dhewèké ngayahi jejibahan minangka Uskup Penahbis Pendamping kanggo Mgr. Wilhelm van Bekkum, S.V.D. minangka Vikaris Apostolik Ruteng kang jejuluk Uskup Tituler Tigias. Taun 1953, Antonius nywun supaya para Suster OCD mbuka biara ing Ende sinambi ngentèni titi wanci mulih ing Lembang.