Back

ⓘ Winny Oktavina Kandow




                                     

ⓘ Winny Oktavina Kandow

Winny Oktavina Kandow yaiku salah siji pamain badminton saka Indonesia kang sakawit main ing nomer gandha putri lan saiki ing gandha campuran. Dhèwèké lair ing desa Tewasèn, Minahasa Kidul, Sulawesi Lor. Juru latih gandha campuran PBSI yaiku Richard Mainaky mutusaké sawisé Lilyana Natsir kang dadi tandhemé Tontowi Ahmad wis pensiun ing taun 2018 kepungkur bakal duwè pangganti, yaiku Winny. Richard duwe panemu yèn Winny bakal kapasangaké ing turnamèn badminton Éropa kaya ta Barcélona Spanyol Masters, Jerman Open, lan All England.

                                     

1. Karir

Winny kang minangka pamain saka klub Tangkas Intiland Jakarta, kasil nggayuh juwara gandha campuran tingkat nasional kang tandhemé yaiku Yeremia Rambitan, jalaran prestasi kasebut dhèwèké bisa mlebu ana ing Pelatihan Nasional PBSI ing Cipayung. Winny miwiti mèlu mlebu ing kajuwaraan nasional kang diadani ing Pangkal Pinang kalawan Akbar Bintang Cahyono, lan kaloroné kasil nyabet juwara siji senadyan ing turnamèn kaloroné udu pasangan kang dianggep manjila. Dhèwèké samsaya kaloka sawisé bisa ngancik babak semifinal Singapore Open 2018 bareng Akbar, nanging bisa dikalahaké kanca sanegara yaiku Tontowi Ahmad lan Lilana Natsir ing tetandhingan rong set kang ketat. Winny kasil nggayuh gelar internasional sepisané kanthi menang Hyderabad Open 2018.

                                     

2. Mitra

Minangka pamain badminton Winny wis wola-wali ganti mitra main, wiwit ing gandha putri tumeka gandha campuran. Tandhemé Winny yaiku:

  • Ronald rangking 372 BWF lan 102 BWF Tur Donya.
  • Virni Putri rangking 191 BWF.
  • Tontowi Ahmad rangking 15 BWF lan 11 BWF Tur Donya.
  • Rosyita Eka Putri Sari rangking 301 BWF lan 162 BWF Tur Donya.
  • Mychelle Chrystine Bandaso rangking 147 BWF lan rangking 80 BWF Tur Donya.
  • Akbar Bintang Cahyono rangking 25 BWF lan 43 BWF Tur Donya.
  • Angelica Wiratama rangking 582 BWF lan 259 BWF Tur Donya.
  • Zachariah Josiahno Sumanti rangking 704 BWF.
  • Bunga Fitriani Romadhini rangking 498 BWF.
  • Rinov Rivaldy rangking 335 BWF.