Back

ⓘ Georginio Wijnaldum




Georginio Wijnaldum
                                     

ⓘ Georginio Wijnaldum

Georginio Wijnaldum utawa Georginio Gregion Emile Wijnaldum yaiku salah sawijining pamain bal-balan aguna kang asalé saka nagara Walanda uga dwé getih Surinamé lan main kanggo klub Liga Primèr Inggris, Liverpool FC. Dhèwèké lair ing kutha Rotterdam surya ping 11 Novèmber 1990, duwé dedeg 175 cm 69 kg lan mapan ing posisi glandhang tengah dhèwèké migunakaké nomer geger 5 nalika ing lapangan tetandhingan. Salawasé main ing Liga Primèr Inggris, Wijnaldum wis nyathethaké 170 panampilan, 24 gol, lan 16 asis.

                                     

1. Wiwitan

Nalika umur 16 taun, Wijnaldum dadi pamain paling enom Feyenoord kang nglakoni debut ing pungkasan mangsa 2006-07. Dhèwèké yaiku asil panggulawentah lakucara akadhemi pamain nom, sejatiné Wijnaldum isih pengin ana Feyenoord tumeka taun 2011 ditransfer menyang PSV Eindhoven déné dhèwèké ajeg nyithak gol lan nyumbang asis saka garis tengah. Nanging ing mangsa 2013-14 jalaran cidra ing geger dhèwèké dadi ajeg nglakoni oprasi kanggo nambani cidrané satémah arang-arang dimainaké ing tetandhingan liga.

                                     

2.1. Karir Liverpool

Wijnaldum yaiku pamain kang sarwa bisa kang teka menyang Liverpool saka Newcastle United ing 22 Juli 2016 kepungkur, sawisé nandhatangani kontrak dhèwèké banjur napak tilas nomer 5 kang mauné dianggo déning Daniel Agger, Wijnaldum banjur mlebu skéma formasi Liverpool besutan Jürgen Klopp kawit purwakaning mangsa 2016-17. Wijnaldum nyithak gol sepisané kanggo Liverpool nalika 6 Novèmber 2016 sajroning tetandhingan kang dimenangi Liverpool atas Watford kanthi angka 6-1 ing stadhion Anfield. Wijnaldum ngegolke kaping enem ing mangsa sepisané manganggo klambi Liverpool, nanging gol paling penting yaiku nalika tetandhingan pungkasan ing mangsa 2016-17 nalika Liverppol lumawan Middlesbrough kanggo mesthèkaké jatah tikèt Liga Champions kanggo Liverpool. Wijnaldum asring nyithak gol kang wigati kanggo Liverpool, tuladhané nalika ing semifinal Liga Champions 2018 nalika tetandhingan tandhang lumawan AS Roma, ing stadhion Olimpico, Roma. Wijnaldum kasil nyundhul bal kang dumadi saka tendhangan pojok James Milner, gol kuwi biyantu Liverpool lolos menyang final Liga Champions 2018. Pamain asil akadhemi Feyenoord kasebut nyathetaké panampilan kaping 100 kanggo Liverpool ing 29 Sèptèmber 2018 nalika tetandhingan gebag lumawan Chelsea. Wijnaldum biyantu Liverpool kanggo menangi piyala Liga Champions 2019, apa manèh ing semifinal tetandhingan kapindho nalika Liverpool tempuk Barcelona, dhèwèké dimainaké ing babak kaloro kanggo ngegolke gol sundhulan menyang gawangé Marc André Terstegen, lan main sajroning 62 menit ing final Liga Champions ing Madrid, nalika lumawan Tottenham Hotspur kanggo mikolèhi gelar kapisané kanggo Liverpool FC.

                                     

3. Riwayat Transfer

  • 21 Agustus 2016 ditransfer saka Newcastle United menyang Liverpool kanthi rega 25 yuta Poundsterling.
  • 11 Juli 2015 ditransfer saka PSV Eindhoven menyang Newcastle United kanthi rega 14, 5 yuta Poundsterling.
  • 4 Juli 2011 ditransfer saka Feyenoord menyang PSV Eindhoven kanthi rega kang ora disebutaké.
  • 22 Sèptèmber 2009 dadi pamain utama Feyenoord Rotterdam.
                                     

4. Pangaji-aji

Selawasé kariré Wijnaldum ing jagad bal-balan, dhèwèké kapétung wis main ing patang klub kang béda-béda lan kalebu pamain kang sukses jalaran wis kasil ngantukaké pirang-pirang gelar juara.

Klub

  • Juwara Piala Super Éropa 2019 bareng Liverpool.
  • Kampiun Eredivisie 2015 bareng PSV Eindhoven.
  • Juwara Piala Walanda 2012 bareng PSV Eindhoven.
  • Juwara PIala Walanda U-17 bareng Feyenoord Rotterdam.
  • Juwara Liga Champions Éropa 2019 bareng Liverpool.
  • Juwara Liga Primèr Inggris 2020 bareng Liverpool.
  • Juwara Piala Donya Antarklub FIFA 2019 bareng Liverpool.
  • Juwara Piala Super Walanda 2013 bareng PSV Eindhoven.
  • Juwara Piala Walanda 2008 bareng Feyenoord Rotterdam.
                                     
  • GK Alisson 3 MF Fabinho 4 DF Virgil van Dijk kapten ketiga 5 MF Georginio Wijnaldum kapten kempat 6 MF Thiago 7 MF James Milner wakil kapten 8 Cithakan: Country
  • 5 DF Erik Pieters 6 MF Mark van Bommel kapten 7 FW Ola Toivonen 8 MF Kevin Strootman 9 FW Tim Matavž 10 MF Georginio Wijnaldum 11 FW Jeremain Lens