Back

ⓘ Sitor Situmorang




Sitor Situmorang
                                     

ⓘ Sitor Situmorang

Sitor Situmorang kathi asma Raja Usu, punika satunggiling wartawan, sastrawan, lan penyair Indonésia. Ramanipun inggih punika Ompu Babiat Situmorang ingkang naté berjuang nglawan bala kolonial Walandi sesarengan kaliyan Sisingamangaraja XII. Tahun 2006 Sitor minangka tokoh Indonésia ingkang kapilih pikantuk S.E.A. Write Award.

                                     

1. Pendidikan

Sitor mlebet sekolah HIS wonten ing Balige lan Sibolga, MULO ing Tarutung, salajengipun mlebet AMS wonten ing Jakarta. Naté lelana dhateng Amsterdam lan Paris 1950-1952. Taun 1956-57 Sitor memetri ngèlmu sinematografi ing Universitas California. Saksampunipun medal saking tahanan pulitik, Sitor manggèn wonten ing Leiden 1982-1990 lajeng Islamabad 1991.

                                     

2. Pedamelan

Kariripun dipunwiwiti minangka wartawan harian Suara Nasional Tarutung, 1945, Waspada Medan,1947, Berita Indonésia, lan Warta Dunia Jakarta, 1957. Sitor naté dados dhosèn Akademi Teater Nasional Indonésia Jakarta, anggota MPRS saking kalangan seniman, Ketua Lembaga Kebudayaan Nasional 1959-65, lajeng dipuntahan déning pamaréntahan Orde Baru.

                                     

3. Karya tulis

Karya Sitor ing antawisipun wujud

  • Guru Somalaing dan Modigliani Utusan Raja Rom 1993.
  • Kumpulan sajak Peta Perjalanan pikantuk bebungah saking Dewan Kesenian Jakarta 1976,
  • Sajarah lokal: Toba na Sae 1993
  • Kumpulan carkak Pertempuran dan Salju di Paris 1956 pikantuk bebungah sastra nasional 1955,
  • Otobiografi: Sitor Situmorang Sastrawan 45, Penyair Danau Toba 1981;