Back

ⓘ Guardiagrele




Guardiagrele
                                     

ⓘ Guardiagrele

Guardiagrele iku sawijining kutha lan commune ing Provinsi Chieti, péranganing region Abruzzo, ing Italia tengah. Kutha iki dumunung ing sikilé Gunung Maiella ana ing elevasi watara 576 mèter. Sing ndunungi udakara 10.000 jiwa.

Kapikat déning kaéndahan sesawangan gunung lan lembah Maiella saka kutha iki banjur penyair Gabriele dAnnunzio ngarani kutha Guardiagrele minangka la terrazza dAbruzzo "Èmpèr Abruzzo".

Kawentar bab kerajinan wesi tempa wrought iron, tembaga lan emas, Guardiagrele uga kutha klairané tukang emas lan pangripta reca Nicola da Guardiagrele, kang lair ing kéné ing pungkasan abad angka 15.

Guardiagrele uga misuwur kanthi Taman Nasional Maiella, lan minangka péranganing klub Borghi più belli dItalia burghs /kutha kang paling éndah ing Italia.

                                     

1. Panggonan wigati

Gréja kang gedhé dhéwé ing Guardiagrele ya iku Santa Maria Maggiore. Liyané wangunan gréja lawas, ing kéné uga ana sawatara gedhong lan pura kuna abad angka 17 kang arsitekturé nyengsemaké, kaya déné Palazzo De Lucia, Palazzo Elisii lan Palazzo Marini.

Museum:

  • Museo del Costume e della Tradizione della Nostra Gente Museum pakéan adat tradisonal Chiostro del Palazzo Comunale Piazza San Francesco.
  • Museo Civico Civic Museum
  • Museo Archeologico "Museum Arkéologi".
  • Museo del Duomo "Museum Cathedral", ing Santa Maria Maggiore.