Back

ⓘ Gunung Arjuna




Gunung Arjuna
                                     

ⓘ Gunung Arjuna

Gunung Arjuna iku gunung kang dumunung ing Malang, Jawa Wétan, tipe Strato kang dhuwuré 3.339 m sadhuwuré segara. Gunung iki ana ing andahané Pengelolaan Tahura Raden Soeryo. Lumrahé gunung iki dipènèk saka rong titik kang misuwur, yaiku saka Tretes lan Batu.

Gunung Arjuna sisih-sisihan karo Gunung Welirang. Pucuk gunung Arjuna dumunung ana ing sak gigir karo pucuk gunung Welirang. Saliyané saka rong panggonan ing dhuwur mau, Gunung Arjuna bisa dipènèk saka sawatara panggonan liyané. Gunung kang dumunung ing sisih kulon Batu, Malang-Jawa Wétan iki minangka salah siji tujuan pendhakian. Saliyané dhuwuré kang nganti punjul 3000 mèter, ing gunung iki ana sawatara obyek wisata. Salah sijiné yaiku obyek wisata grojogan Kakek Bodo kang uga minangka salah siji jalur pendhakian tumuju pucuk Gunung Arjuna. Sanajan ana grojogan liyané nanging para wisatawan arang kang nekani, mbokmanawa amarga panggonan lan sarana wisatané isih kurang apik.

Gunung Arjuno duwé kawasan alas Dipterokarp Bukit, alas Dipterokarp Atas, alas Montane, lan alas Ericaceous utawa alas gunung.

Gunung Arjuna bisa dipènèk saka sisih lor yaiku diwiwiti saka Tretes liwat Gunung Welirang, saka wétan yaiku saka Lawang, saka kulon yaiku saka Batu-Selecta, lan saka kidul yaiku saka Karangploso.