Back

ⓘ Testis




Testis
                                     

ⓘ Testis

Testis iku klanjer kelamin lanang ing kéwan lan manungsa. Manungsa duwé testis loro kang dibungkus skrotum.

Ing mamalia, testis papané ing njaban awak, digandhéngaké karo tubulus spermatikus lan papané ing njeron skrotum. Iki cocog karo kasunyatan manawa prosès spermatogenesis mamalia bakal luwih efisien kanthi suhu luwih asor saka suhu badan < 37 °C.

Ing tubulus spermatikus ana otot kremaster kang manawa kontraksi bakal ngangkat testis nyeraki awak. Yèn suhu testis didhunaké, otot kremaster bakal relaksasi lan testis bakal ngedohi awak. Fenomena iki dikenal kanthi sebutan refleks kremaster.

Kéwan saliyané mamalia ora duwé testis ing njaba. Manuk, kang suhu awaké dhuwur, duwé testis ing njeron awak. Miturut téyori para ahli, manuk migunakaké kanthong udharané kanggo njaga suhu optimal testis, nanging ing panlitèn saterusé disebutaké manawa testis manuk fungsiné bakal apik ing suhu awak.

Samangsa pubertas, testis tumuwuh kanggo miwiti spermatogenesis. Ukuran testis gumantung ing prodhuksi sperma akèhé spermatogenesis, cuwèran intersisial, lan prodhuksi cuwèran saka sel Sertoli.

Lumrahé, loro testis iku ora padha gedhené. Bisa uga salah siji papané luwih ngisor tinimpang sijiné. Perkara iki amarga bédané struktur anatomis pembuluh getih ing testis kiwa lan tengen.

                                     

1. Fungsi

Peranané testis iku ing sistem réproduksi lan sistem endokrin.

Fungsi testis:

  • mrodhuksi hormon seks priya kaya testosteron.
  • mrodhuksi spérma spermatozoa

Kerjané testis ing sakngisoré pangawasan hormon gonadotropik saka klanjer pituitari pérangan anterior:

  • luteinizing hormone LH
  • follicle-stimulating hormone FSH
                                     

2. Struktur

Testis dibungkus déning lapisan fibrosa kang karan tunika albuginea. Ing njeron testis ana akèh saluran kang karan tubulus seminiferus. Tubulus iki dikebaki déning lapisan sel spérma kang wis utawa lagi tumuwuh.

Spermatozoa sel winih kang wis siyap kanggo diejakulasiké, bakal gerak saka tubulus nuju rete testis, duktus efferen, lan epididimis. Yèn éntuk rangsangan sèksual, spermatozoa lan cairané kabèh karan banyu mani bakal ditokaké menyang njaban awak liwat vas deferen lan pungkasané, penis.

Ing antarané tubulu seminiferus ana sel mirunggan kang karan sel intersisial Leydig. Sel Leydig mrodhuksi hormon testosteron.

                                     

2.1. Struktur Sawar getih testis

Molekul gedhé ora bisa nembus ke lumen pérangan njero tubulus liwat getih, amarga anané ikatan kang kuwat antar sel Sertoli. Fungsi saka sawar getih testis iku kanggo nyegah réaksi auto-imun. Awak busa nggawé antibodi nglawan spermané dhéwé, mula prakara iki dicegah nganggo sawar. Yèn spérma ana reaksi karo antibodi bakal njalari radhang testis lan ngurangi kasuburan.

                                     

3. Kasehatan

Penyakit ing testis kang paling wigati dimangertèni:

  • radhang epididimis, karan epididimitis
  • radhang testis, karan orchitis
  • kanker testis
  • Anorkidisme, salah siji utawa loro-loroné testis ora ana

Pangangkatan testis:

  • orchidektomi utawa kastrasi
                                     
  • Skrotum iku kantung dumadi saka kulit lan otot kang mbungkus testis utawa buah zakar. Skrotum dumunung antarané penis lan anus sarta ing angarepé perineum
  • Pinten - pinten sebap kekirangan androgen inggih punika: Testis prekawis medis ingkang dipunwiwiti ing testis saged nyegah produksi testosteron ingkang memadai
  • rumput ing Kanada Prancis: animelles yaiku panganan sing digawe saka testis bantheng Organ - organ kasebut asring digoreng sawise dikuliti, ditutupi
  • testikel. Ing Inggris, kabeh pancen ora bisa ditemokake, sanajan bubar testis wis langka. Oxford English Dictionary, s.v. S.E. Nash, Cooking Craft, 3rd
  • kanthi cara fragmèntasi, banjur nindakaké regenerasi. Organ kelamin lanang testis lan organ kelamin wadon ovarium ana kang mapan ing siji individu lan
  • Absorpsi, umpamané ing usus kang nyerep sari - sari panganan b. Sèkrèsi, contoné testis kang ngetoaké spèrma c. Ekskresi, kulit kang ngetokaké kringet d. Transportasi
  • sistem getah bening ing pérangan awak liyané, kaya ta: Sendi. Timus. Mripat. Testis Limpa. Amandel. Paru - paru. Mangsa inkubasi virus iki kawiwitan kathi anané
  • berkembang saka androgen adrenal dhewe lan bisa berkembang sanajan ovari utawa testis cacat lan ora dienggo. Apa ora ana bedane ing kapasitas awak lanang lan
  • Iga  Weteng  Udel Alat kelamin Klitoris  Vagina  Penis  Skrotum  Testis Anus  Pinggul  Bokong Tungkai Tangan: Lengen  Sikut  Ugel - ugel tangan