Back

ⓘ Tèknologi informasi



                                               

Hewlett-Packard

Hewlett-Packard utawa kerep dicekak dadi HP iku siji firma utawa perusahaan sing aktif ing babagan tèknologi informasi lan asalé saka Amérikah Sarékat. HP akêh nggawé komputer, laptop, printer lan piranti-piranti liyané.

                                               

Tèknik perminyakan

Tèknik perminyakan minangka bidang tèknik sing ana gandhengané karo kegiyatan sing ana gandhengané karo produksi hidrokarbon, sing bisa uga minyak mentah utawa gas alam. Eksplorasi lan produksi dianggep kalebu ing sektor hulu industri minyak lan gas. Eksplorasi dening ilmuwan bumi, lan tèknik minyak bumi minangka rong disiplin utama industri minyak lan gas, sing fokus kanggo memaksimalaké pamulihan ekonomi hidrokarbon saka tadhah ngisor. Géologi minyak lan géofisika fokus ing panyediaan deskripsi statis saka batu tadhah hidrokarbon, dene tèknik minyak bumi fokus ing perkiraan volume sumber ...

                                     

ⓘ Tèknologi informasi

Tèknologi informasi iku panggunaan komputer èlèktronika lan piranti alus komputer kanggo ngowahi, nyimpen, ngamanaké, mrosès, mancaraké lan ngamanaké lan nampa data utawa informasi. Miturut Asosiasi Teknologi Informasi AS, tèknologi informasi dijlèntrèhaké minangka: pasinaon, disain, pangembangan, implemèntasi, panyengkuyung utawa manajemen sistem informasi mawa dhasar komputer, mligi aplikasi piranti alus, lan piranti kasar komputer." TI manunggalaké komputasi lan komunikasi mawa kacepetan dhuwur kanggo data, swara, lan vidéo. Conto saka Tèknologi Informasi dudu mung wujud komputer pribadi, nanging uga télpon, TV, piranti rumah tangga èlèktronik, lan piranti gegem modhèren.

Pangolahan, panyimpenan lan panyebaran vokal, informasi mawa gambar, tèks lan numerik déning mikroèlèktronika mawa basis kombinasi komputasi lan télékomunikasi. Istilah sajeroning pangertèn modhèren sepisanan muncul sajeroning sawijining artikel taun 1958 sing diterbitaké sajeroning Harvard Business Review, ing ngendi panulis Leavitt lan Whisler komentar yèn "teknologi anyar durung duwé jeneng tunggal sing diyasa. Awaké dhéwé bakal nyebut iku mau tèknologi informasi TI." Sapérangan babagan modhèren lan muncul tèknologi informasi iku génerasi sabanjuré tèknologi wèb, bioinformatika, Could Computing, sistem informasi global, skala gedhé basis pangetauan lan liya-liyané.

                                     

1. Sajarah

Nalika awal sajarah, manungsa ijolan informasi liwat basa. Mula basa iku tèknologi, basa mungkinaké sawijining wong dadi paham informasi sing ditekakaké déning wong liya nanging iku ora tahan kanthi suwé amarga sawisé pocapan iku rampung, banjur informasi sing ana ing tangan si panampa iku bakal dilalèkaké lan ora bisa disimpen suwé. Saliyané iku jangkauan swara uga winates.

Sawisé iku tèknologi panekan informasi ngrembaka liwat gambar. Kanthi gambar jangkauan informasi bisa luwih adoh. Gambar iki bisa digawa-gawa lan ditekakaké marang wong liya. Saliyané iku informasi sing ana bakal tahan luwih suwé. Sapérangan gambar paninggalan jaman purba isih ana nganti saiki saéngga manungsa saiki bisa nyoba mahami informasi sing péngin ditekakaké panggawéné.

Ditemokaké alfabèt lan angka arabik nggampangaké cara panekanan informasi sing luwih èfisièn saka cara sing sadurungé. Sawijining gambar sing makili sawijining prastawa digawé mawa kombinasi alfabèt, utawa mawa panulisan angka, kaya déné MCMXLIII diganti karo 1943. Tèknologi mawa alfabèt iki nggampangaké sajeroning panulisan informasi iku.

Banjur, tèknologi panyithakan mungkinaké pangiriman informasi luwih rikat manèh. Tèknologi èlèktronik kaya déné radhio, tivi, komputer ngakibataké informasi dadi luwih rikat kasebar ing tlatah sing luwih wiyar lan luwih suwé kasimpen.

                                     

2. Informasi umum

TI iku babagan panglolaan tèknologi lan nyakup manéka babagan sing kalebu nanging ora winates ing babagan-babagan kaya déné prosès, piranti alus komputer, sistem informasi, piranti kasar komputer, basa program, lan data konstruksi. Cekaké, apa sing gawé data, informasi utawa pangetauan sing dirasakaké sajeroning format visual apa waé, liwat saben mékanisme distribusi multimédhia, dianggep péranganing TI. TI nyedhiakaké bisnis kanthi papat sèt layanan inti kanggo mbantu nglakokaké strategi bisnis: prosès bisnis otomatisasi, mènèhi informasi, ngubungaké karo pelanggan, lan piranti-piranti prodhuktivitas.

TI nglakokaké manéka fungsi TI Disiplin/Kompetènsi saka nginstal Aplikasi kanggo ngrancang jaringan komputer lan database informasi. Sapérangan tugas sing TI lakokaké mungkin kalebu manajemen data, jaringan, rékayasa piranti kasar komputer, database lan désain piranti alus, sarta manajemen lan administrasi sistem kanthi sakabèhané. Teknologi informasi wiwit nyebar luwih adoh saka konvènsional komputer pribadi lan tèknologi jaringan, lan luwih menyang njero integrasi tèknologi liya kaya déné panggunan télpon gegem, tivi, montor, lan akèh liyané, sing ngundhakaké panjalukan kanggo pagawéyan.

Ing jaman biyèn, para Déwan Akréditasi kanggo Engineering lan Tèknologi lan Asosiasi kanggo mesin komputasi wis nyambut gawé bareng kanggo mbentuk akréditasi lan standhar kurikulum kanggo program degrees ing Tèknologi Informasi minangka babagan studi dibandhingaké karo Èlmu Komputer lan Sistem Informasi. SIGITE Special Interest Group for IT Education iku golongan kerja ACM kanggo ndhéfinisikaké standhar iki. Pendhapatan layanan TI ing saindhenging donya watara $ 763.000.000.000 ing taun 2009.

                                     

3. Patuwuhan lan kapasitas tèknologi

Hilbert lan Lopez ngidhèntifikasi kacepetan èksponènsial owah-owahan tèknologi mèmper ukum Moore: mesin aplikasi-spésifik kanggo ngétung kapasitas informasi per-kapita nduwé watara tikel kaping loro saben 14 sasi watara taun 1986-2007; kapasitas per-kapita ing donya komputer tujuan umum wis tikel kaping loro saben 18 sasi suwéné rong dasawarsa sing padha, kapasitas télékomunikasi global per-kapita tikel kaping loro saben 34 sasi; kapasitas panyimpenan donya per-kapita sing dibutuhaké watara 40 sasi kanggo nggandhakaké saben 3 taun; lan informasi giyaran per-kapita wis tikel kaping loro watara saben 12.3 taun.

                                     

4. Wacan

  • Blais, Steven December 2011. Business Analysis: Best Practices for Success. John Wiley & Sons. ISBN 1118076001.
  • The Global Information Technology Report 2008–2009 PDF. World Economic Forum and INSEAD. 2009. p. 406. ISBN 978-92-95044-19-7.
Free and no ads
no need to download or install

Pino - logical board game which is based on tactics and strategy. In general this is a remix of chess, checkers and corners. The game develops imagination, concentration, teaches how to solve tasks, plan their own actions and of course to think logically. It does not matter how much pieces you have, the main thing is how they are placement!

online intellectual game →