Back

ⓘ Kesemek




Kesemek
                                     

ⓘ Kesemek

Kesemek iku jeneng sajinis woh-wohan saka marga Diospyros. Tuwuhan iki ditepungi uga kanthi sebutan woh kaki, utawa sajeroning basa Inggris dijenengi Oriental persimmon. Jeneng ngèlmiahé yaiku Diospyros kaki.

                                     

1. Pemerian

Wit kesemek ukurané cilik tekan sedheng, 15 m utawa kurang, dioesis dioecious, mawa omah loro lan sok-sok monoesis, batangé cendhèk lan bengkong-bengkong, akèh pangé, sarta ngguguraké godhong.

Godhong sajeroning rong dhèrèt, kasusun selang-seling, gagangé cendhèk lk. 3 cm, bunder, bunder endhog nganti jorong, 2.5-15 × 5–25 cm, ijo kuning kilap-kilap.

Kembang lanang sajeroning malai cendhèk isi 3-5 kuntum, kembang wadon soliter, ing kelèk godgong, mawa wilangan 4. Woh buni wangun gèpèng mbulet lan segi papat, ijo semu kuning nganti abang, kanthi godhong kelopak kang ora rontok.

                                     

2. Asil lan kagunaan

Kesemek kang mateng wernané antara jingga semu kuning nganti semu abang lan dhiameteré antara 2–8 cm. Woh iki bisa dipangan langsung sajeroning kaanan seger sawisé diolèsi mawa banyu kapur lan diperem, supaya rasa sepeté ilang. Woh uga bisa digaringaké utawa diolah dadi selé, ager-ager, ès krim lan liya-liyané. Woh kesemek seger ngandhut 19.6% karbohidrat, mligi fruktosa lan glukosa, 0.7% protéin, vitamin A lan kalium.

Woh kesemek kang enom ngandhut dat tanin kang dijenengi tanin-kaki, kang nimbulaké rasa sepet ing woh. Dat iki bakal saya kurang bebarengan karo matengé woh. Tanin-kaki dimupangataké kanggo ngawètaké manéka karajinan tangan, mbantu prodhuksi arak-beras ing Jepang, sarta bahan pangobatan lelara hipertensi.

                                     

3. Asal-usul lan penyebaran

Kesemek asalé saka Républik Rakyat Cina, kang banjur nyebar dhateng Jepang nalika jaman purba lan ditangkaraké ing kana. Ing tembé wuri woh iki nyebar dhateng pérangan liya Asia, lan nalika mangsa kolonial ing taun 1800an digawa dhateng Éropah kidul lan Amérika California.

Woh iki cukup wigati sajeroning tradhisi Tiongkok lan Jepang, saéngga pangaji komersialé dhuwur ing kana. Saiki komersialisasi prodhuksi kesemek wis mrémbét lan mawiyar ing Niu Sélan, Australia lan Israèl. Ekspor saka Israèl iki kang dijenengi minangka Sharon fruit.

Ing Indonésia, Malaysia lan Thailand, prodhuksi kesemek lumrahé mung cukup kanggo konsumsi lokal. Sumatra Lor, mligi wewengkon Brastagi, biyèn tau kanthi tetep ngirim kesemek kanggo Singapura; nanging saiki mandheg amarga kualitasé kadhesek déning kesemek prodhuk nagara-nagara liya. Papan-papan liya ing Indonésia kang ngasilaké kesemek ing antarané yaiku Jawa Kulon lan Jawa Wétan, ing ngendi woh iki ditandur ing laladan-laladan dhuwur ing pagunungan.



                                     

4. Bahan Wacan

  • Verheij, E.W.M. dan R.E. Coronel eds. 1997. Sumber Daya Nabati Asia Tenggara 2: Buah-buahan yang dapat dimakan. PROSEA – Gramedia. Jakarta. ISBN 979-511-672-2.
                                     
  • Kesemek iku salah siji désa kalurahan ing kacamatan Tenggarang, Kabupatèn Bandawasa Bondowoso Provinsi Jawa Wétan, Indonésia. Kode dan Data Wilayah
  • Gotgam 곶감 ya iku jinis manisan kas Koréa kang digawé saka woh kesemek kang wis digaringaké. Gotgam duwé tekstur kang alus lan wernane coklat padhang
  • Durèn. Dhondhong. Dhuku. Dhuwet. Gedhang. Jambu. Jeruk. Juwet. Katès. Kesemek Klampok. Klapa. Klèngkèng. Kwèni. Langsep. Manggis. Nangka. Nanas. Pelem
  • Sujeonggwa ya iku jinis ombenan tradhisional kas Koréa kang digawé saka woh kesemek lan digaringaké lan diombenkaro sari jahe, kayu legi, madu lan gula. Lumrahé
  • spésies sing duwé pangaji komersial, ya iku wohé sing bisa dipangan contoné kesemek utawa bisbul nanging mligi dijupuk kayuné sing duwé kualitas dhuwur.
  • sanèsipun punika jeruk hassaku Citrus hassaku woh Prunus mume, lan kesemek Kebon Prunus mume ume wonten ing kiwa - tengené Tanabe Prefektur Wakayama
  • ing lumah pang kayu lapuk wit - witan kang duwé godhing amba Bebesaran lan Kesemek Jamur iki kerep dianggep ama tumrap pirang - pirang produk pertanian. Jamur
  • minangka salah sawijining 10 produsen kakao, jamban, alpukat, jeruk keprok, kesemek mangga, jambu, beras, sorgum lan tomat paling gedhe ing saindenging jagad
  • Barkas: Dhurèn.jpg Durèn Dhondhong Dhuku Dhuwet Gedhang Jambu Jeruk Katès Kesemek Klapa Klèngkèng Manggis Nangka Nanas Pelem Rambutan Salak Sawo Semangka