Back

ⓘ John James Audubon




John James Audubon
                                     

ⓘ John James Audubon

John James Audubon ya iku tokoh pelopor pelestarian lingkungan. John James Audubon lair ing Haiti taun 1795. Dhèwèké dikenal minangka tokoh kang seneng karo kéwan. Dhèwèké uga dikenal minangka penjelajah alas. Nalika umur 18 taun, Audubon manggon ana ing Prancis. Banjur dhèwèké ngalih ana ing Amérika saperlu nglungani program wajib militèr kang diprintahake déning Napoleon Bonaparte. Bapake Audubon ya iku sawijining ndara perkebunan kang sugih lan kapten kapal armada. Nalika isih cilik, dhèwèké dikenalake babagan perkebunan déning bapake. Mula nalika manggon ana ing Amérika, dhèwèké tuku perkebunan ing Norriston, Pennsylvania. Nanging usahane mau gagal amarga dhèwèké kurang merhatekake ngrembakane perkebunane mau. Dhèwèké malah kerep njlajah alas ketimbang ngurus perkebunan.

Aududon kawin karo anaké ndara perkebunan. Sawisé kawin, dhèwèké manggon ana ing Kentucky lan ngadegaké perusahaan. Nanging, perusahaane mau uga ngalami kegagalan kanthi alesan kang padha ya iku kurang ngurus perkebunan. Audubon pancen seneng banget njajahi alas lan kéwan. Dhèwèké ora mung njajah alas nanging uga ngemati, neliti, nyatet lan nglukis panguripane kéwan. Audubon tau njlajahi kali Ohio lan Missisipi nganti pirang-pirang sasi. Dhèwèké kasil anggoné ngrekam pirang-pirang kéwan lumantar lukisan. Lukisan mau dipamerake ing Liverpool lan Manchester.