Back

ⓘ Laszlo Yosef Biro




Laszlo Yosef Biro
                                     

ⓘ Laszlo Yosef Biro

Laszlo Yosef Biro ya iku penemu polpen. Dhèwèké kondhang kanthi aran Laszlo Biro. Laszlo Biro lair ing Budapest, Hongaria tanggal 29 September 1899. Mula bukane polpen ya iku taun 1938 nalika Biro isih nyambut gawé minangka wartawan ing koran Elotte ing Hongaria. Sawijining dina Biro, ngemati mangsi kang minangka nyetak koran kang rikat garing. Ngerti kedadeyan mau dhèwèké kepéngin gawé polpen kang luwih ringkes. Kanggo wujudake polpen mau, Biro njaluk tulung marang George, seduluré kang ahli kimia. Wong sakloron ngupaya nemu mangsi kang ora gampang garing. Ora suwé, wong sakloron kasil anggoné matenake polpen ing Paris.

Nalika ana Perang Dunia, Biro lan seduluré ngalih ana ing Argentian. Ing kono dhèwèké nyoba gawé polpen asil panemone. Nanging, ora suwé, utusan pamaréntah Inggis nawani supaya ngedol hak cipta polpene. Pungkasane, Biro lan seduluré gelem ngedol hak ciptane mau. Ing tangane Inggris, polpen bisa sukses. Nalika sasi Mèi 1945, Eversharp, kang bekerja sama karo Eberhard-Faber, kasil anggoné éntuk hak eksklusif masarake polpen Biro. Polpen kae diarani Evershap CA singkatan saka capillary action, lan wiwit masarake ing Argentina. Kawit iku, polpen dikenal ing donya. Emane, Biro lan seduluré kang minangka penemune, malah ora bisa ngicipi dhuwit saka asil dodolan polpen. Laszlo Biro tinggal donya ing taun 1985 ing Buenos Aires, Argentina. Kanggo mengeti lelabuhané, pamaréntah Argentina ndadèkaké dina laire Laszlo Biro ya iku 29 September, minangka Hari Penemu Argentina.