Back

ⓘ Kristiani Herrawati




Kristiani Herrawati
                                     

ⓘ Kristiani Herrawati

Kristiani Herrawati. Kristiani Herrawati kondhang kanthi jeneng Ibu Ani Bambang Yudhoyono. Ani Yudhoyono ya iku Ibu Nagara Républik Indonésia. Ani iku garwané Présidhèn Indonésia kang kaping enem kang jenenge Dr. H. Susilo Bambang Yudhoyono.

                                     

1. Kulawarga

Ani Yudhoyono lair nalika tanggal 6 Juli 1952. Ani dadi anak kang kaping telu saka sadulur kang cacahé pitu. Ani yudhoyono iku anak saka pasangan Jenderal Purn Sarwo Edhie Wibowo lan Hj. Sunarti Sri Bebungah. Ani nikah karo SBY nalika tanggal 30 Juli 1976. Nalika iku SBY lagi baé dilantik dadi Perwira TNI lan dadi lulusan kang paling apik.

                                     

2. Pendhidhikan

Ani Yudhoyono tau kuliyah ing Jurusan Kedhokteran ing Universitas Kristen Indonésia, nanging nalika taun kang kaping telu, Ani metu amarga palakrama karo SBY. Sawisé iku Ani banjur nutugaké kuliyah ing Universitas Merdeka lan lulus kanthi gelar Sarjana Ilmu Pulitik nalika taun 1998.

                                     

3. Kagiyatan sosial lan pulitik

Ani Yudhoyono tau nyekel kalungguhan Wakil Ketua Umum DPP Parté Dhémokrat, saliyané iku Ani uga aktif ing kagiyatan sosial ing Persit Kartika Chandra Kirana Persatuan Istri Tentara, Dharma Pertiwi, lan Dharma Wanita nalika SBY njabat dadi Mantri Pertambangan lan Energi ing era Pamaréntahan Abdurrahman Wahid lan Mantri Koordinator Pulitik dan Keamanan era Pamaréntahan Megawati Soekarnoputri.