Back

ⓘ Paulus saka Tarsus




Paulus saka Tarsus
                                     

ⓘ Paulus saka Tarsus

Paulus saka Tarsus utawa Rasul Paulus, diakoni minangka tokoh wigati sajeroning ngrumusaké ajaran Yesus. Paulus digambaraké sajeroning Prajanjian Anyar minangka Yahudi saka suku Benyamin, kang duwé kabudayan Yunani lan warga Roma saka Tarsus. Awalé panjenengané siji panganiaya wong Kristen, lan sawisé pengalamané ketemu Yesus ing dalan nuju kutha Damaskus, panjenengané malih dadi siji pendhèrèk Yesus Kristus.

Paulus nyebut dhèknèné minangka "rasul kanggo bangsa-bangsa non-Yahudi" Roma 11:13. Panjenengané gawé upaya kang ngéramaké liwat layang-layangé marang komunitas non-Yahudi kanggo nuduhaké yèn keslametan kang dilakoni déning Yesus Kristus iku kanggo kabèh wong, dudu mung wong Yahudi. Gagasan Paulus iki marakaké crah antarané dhèknèné karo murid-murid Yesus, mligi Petrus lan Yakobus, kang percaya yèn kanggo dadi pendhèrèk Yesus, wong-wong kang dudu Yahudi kudu pisanané dadi Yahudi luwih dhisik deleng Gal. 2:11-14. Kanggo ngrampungaké konflik iki, dianakaké sidhang ing Yerusalem Kis. 15, kang sinebut Sidhang Sinode utawa Konsili Gréja kang pisanan.

                                     

1. Pati

Alkitab ora nélakaké kepriyé lan kapan Paulus mati. Nanging miturut tradhisi Kristen, Paulus ditebas guluné ing Roma nalika mangsa pamaréntahan Nero watara patengahan 60-an ing Tre Fontane Abbey.

Nalika sasi Juni 2009, Paus Benediktus ngumumké asil pangedhukan kuburrané Paulus ing Basilika Santo Paulus ing Njaba Tembok. Sarkofagus iku dhéwé ora kabukak, nanging diuji kanthi upaya panylidhikan. Lan iku nuduhaké tugelan-tugelan menyan, kain ungu lan kain biru sarta fragmèn balung cilik. Balung iku mawa tanggal radiokarbon abad kaping-1 tekan kaping-2. Miturut Vatikan, iki katoné ngonfirmasi tradhisi kubur duwèkané Paulus.

                                     

2. Réferènsi

  • Maccoby, Hyam. The Mythmaker: Paul and the Invention of Christianity. New York: Harper & Row, 1986. ISBN 0-06-015582-5.
  • Badenas, Robert. Christ the End of the Law, Romans 10.4 in Pauline Perspective 1985 ISBN 0-905774-93-0 argues that telos is correctly translated as goal, not end, so that Christ is the goal of the Law, end of the law would be antinomianism
  • Hart, Michael. The 100. Carol Publishing Group, July 1992. Paperback, 576 pages. ISBN 0-8065-1350-0.
  • MacDonald, Dennis Ronald, 1983. The Legend and the Apostle: The Battle for Paul in Story and Canon Philadelphia: Westminster Press.
  • Brown, Raymond E. An Introduction to the New Testament. Anchor Bible Series, 1997. ISBN 0-385-24767-2.
  • Marxsen, Willi, 1992. Pengantar ke dalam Perjanjian Baru, Jakarta: BPK Gunung Mulia.
  • Dunn, James D.G. Jesus, Paul and the Law 1990 ISBN 0-664-25095-5
  • Bruce, F.F., Paul: Apostle of the Heart Set Free ISBN 0-8028-4778-1
                                     

3. Pranala njaba

  • St. Paul Catholic Encyclopedia
  • New Perspective on Paul
  • Jewish Encyclopedia: Saul of Tarsus
  • Epistles of Apostle Paul Bishop Alexander Orthodox Christian perspective
  • The Apostle and the Poet: Paul and Aratus Dr. Riemer Faber

Cithakan:Lelampahan Misi Paulus Cithakan:Tokoh Prajanjian Anyar