Back

ⓘ Autoklaf




                                               

Bata ringan

Bata ringan ya iku salah siji jinising watu kang duwé bobot luwih enteng tinimbang watu liyané. Bata ringan dipantha dadi rong jinis ya iku: Autoclaved Aerated Concrete dan Cellular Lightweight Concrete. Jinising bata ringan iku mau dhedhasar ing gagasan kang padha ya iku nambah gelembung udara ing sajeroning mortar bisa ngurangi aboting beton. Bedane bata ringan ACC lan CLC saka babagan cara nggaringne ya iku ACC digaringne ing sajeroning oven autoklaf kang tekanane dhuwur, banjur bata ringan jinis CLC digaringne kanthi cara alami. CLC iku biasane sok karan Non-Autoclaved Aerated Concrete.

Autoklaf
                                     

ⓘ Autoklaf

Autoklaf ya iku piranti pemanas kang kanggo mensterilisasi sawijining bandha kanthi migunakaké uwab kang aana suhune lan tekanane dhuwur kurang luwih 15 menit. Ngedunake tekanan ing autoklaf dudu kanggo matèni mikroorganisme, nanging kanggo ningkatake suhu ing autoklaf. Suhu kang dhuwur iki kang bakal matèni microorganisme. Autoklaf mligi ditujokake kanggo matèni endospora, ya iku sèl resisten kang diprodhuksi déning baktèri, sèl iki bisa tahan marang pemanasan, kegaringen, lan antibiotik. Ing spésies kang padha, endospora bisa tahan ing kaanan lingkungan kang bisa matèni sèl vegetatif baktèri mau. Endospora bisa dipateni ing suhu 100 °C, kang minangka titik didih banyu ing tekanan atmosfer normal. Ing suhu 121 °C, endospora bisa matèni ing wektu 4-5 menit. Nalika iku sèl vegetatif baktèri bisa dipateni kanthi wektu 6-30 detik ing suhu 65 °C.

Itunganing wektu sterilisasi autoklaf dimulai nalika suhu ing autoklaf ngancik 121 °C. Yèn objek kang disterilisasi kandel utawa akèh, transfer panas ing jero autoklaf bakal rendhet, mula ana perpanjangan wektu pemanasan total kanggo mestekake yèn kabèh objek suhune 121 °C kanggo wektu 10-15 menit. Perpanjangan wektu uga dibutuhake nalika cuwèran ing volume gedhé bakal diautoklaf amarga volume kang gedhé mbutuhake wektu kang luwih suwé kanggo ngancik suhu sterilisasi. Performa autoklaf diuji kanthi indicator biologi, tuladhané Bacillus stearothermophilus.

                                     

1. Jinis-jinis

Ana telung jinis autoklaf, ya iku gravity displacement, prevacuum utawa high vacuum, lan steam-flush pressure-pulse. bedaning telung jinis autoklaf iki ana ing kepriye udara diilangi saka autoklaf nalika prosès sterilisasi.

                                     

1.1. Jinis-jinis Gravity Displacement Autoclave

Udara ing ruwang autoklaf dipindahake mung dhedhasar gravitasi. Prinsipe ya iku manfatake kaenthengan uwab dibandingake karo udara, mula udara ana ing ngisore uwab. Carane nyambut gawé ya iku diwiwiti kanthi nglebokaké uwab lumantar pérangan dhuwur autoklaf mula udarane kasurung mangisor. Sacara alon-alon, uwab wiwit dadi akèh mula ndadèkaké udara sansaya mudun lan metu lumantar saluran ing pérangan ngisor autoklaf, banjur suhune nambah lan kadadéan sterilisasi. Autoklaf iki bisa nyambut gawé kanthi cakupan suhu antarané 121-134 °C kanthi wektu 10-30 menit.

                                     

1.2. Jinis-jinis Prevacuum utawa High Vacuum Autoclave

Autoklaf iki dipirantèni pompa kang ngevakuasi kabèh udara saka jero autoklaf. Cara kerjane dimulai kanthi ngetokaké udara. Prosès iki kalaksanan nganti 8-10 menit. Nalika kaanan vakum ana, uwab dilebokake ing jero autoklaf. Akibate kevakuman udara, uwab langsung berhubungan karo kabèh lumahing barang, banjur kedadeyan peningkatan suhu mula prosès sterilisasi kalaksanan. Autoklaf iki nyambut gawé kanthi suhu 132-135 °C lan wektune ya iku 3-4 menit.

Steam-Flush Pressure-Pulse Autoclave Autoklaf iki migunakaké ilèn uwab lan surungan tekanan ing dhuwur tekanan atmosfer kanthi rerangkèn berulang. Wektu siklus ing autoklaf iki manut marang barang kang disterilisasi.

                                     
  • saka babagan cara nggaringne ya iku ACC digaringne ing sajeroning oven autoklaf kang tekanane dhuwur, banjur bata ringan jinis CLC digaringne kanthi cara
  • panci kang nduwé tekanan kang dhuwur. Panci iki diarani panci prèsto utawa autoklaf Sawisé dimasak ing panci prèsto rasané dadi empuk lan eriné bisa dipangan