Back

ⓘ Sulalatus Salatin




Sulalatus Salatin
                                     

ⓘ Sulalatus Salatin

Sulalatul Salatin utawa Sajarah Melayu wujud sawijining karya sajarah ngenani kabangkitan, kagemilangan lan tibané jaman pamaréntahan Melayu sing ditulis déning sapérangan wong pengarang Melayu. Nalika Peringgi Portugis nelukaké Melaka, salinan Sajarah Melayu wis digawa menyang Goa/Gowa.

Ana sakurang-kurangé 29 vèrsi nanging vèrsi sing paling misuwur ya iku vèrsi Shellabear. Miturut naskah Shellabear, Sing Dipertuan Raja ing Hilir Sultan Abdullah Muayat Syah ibnil Sultan Abdul Jalil Syah wis ngutus Seri Nara Wangsa Tun Bambang kanggo mréntahaké Bendhahara Paduka Raja Tun Muhammad Mahmud Tun Seri Lanang nalika dina Kemis, 12 Rabiul Awal 1021 bebarengan 13 Mèi 1612 supaya nyunting salinan Sajarah Melayu sing digawa déning Wong Sugih Sogoh saka Goa/Gowa.

Nalika iku Sultan Johor Lama, Sultan Alauddin Riayat Syah ibni Sultan Abdul Jalil Syah wis dikunjara ing Pura Raja Acèh, Sultan Iskandar Muda.

Sajarah Melayu Sulalatul Salatin duwé gaya panulisan kaya babad, ing kana-kéné ana panggambaran hiperbolik kanggo nggedhèkaké raja lan kulawargané. Sanajan mangkono, naskah iki dianggep wigati amarga nggambaraké adat-istiadhat karajan, silsilah raja lan sajarah karajan Melayu lan olèh ditélakaké mèmper konsèp Sajarah Sahih Veritable History Cina, sing nyathet sajarah Wangsa sadurungé lan disimpen ing arsip nagara mau.

                                     
  • dicelup. Bahan cidhè akeh tegese ing kasil kasastra biyén kaya ta Sulalatus Salatin utawa Sejarah Melayu lan Hikayat Hang Tuah lan liya - liyane. Bahan
  • iku uga wis ana. Legendha ana ing literatur Malayu abad kaping 17, Sulalatus Salatin nyritakaké Laksamana Hang Nadim kang diwènèhi préntah déning Sultan