Back

ⓘ Ruma Maida




                                     

ⓘ Ruma Maida

Film Ruma Maida nyaritakaké paraga kang aran Maida Atikah Siholan, sawijining mahasiswa kang idealis. Maida dicaritakaké ngurus sekolah kanggo bocah-bocah jalanan ing omah tuwa kang ora kaurus. Sawijining dina, ana pengusaha kang jenenge Dasaad Muchlisin Frans Tumbuan ngaku-aku omah mau lan arep diowahi dadi pusat bisnis. Dasaad iku wong kang rasionalis ekstrem kang negasikake sajarah. Dasaad ora gelem urip ing mangsa kapungkur. Urip iku mangsa saiki lan kang arep teka. Ora urus karo sajarah. Pungkasané, Maida lan bocah-bocah jalanan mau diurak saka omah iku. Sanajan mangkono, Maida ora bisa nrima. Maida tansah ngusahakaké kanggo njaga supaya ora kaurak saka omah iku. Lan ing usahane iku, Maida nemu akèh carita lan sajarah saka omah iku.

                                     

1. Kandhutan Film Ruma Maida

Saka filem Ruma Maida iki bisa dijupuk telung wulangan ya iku: Sepisan, bab wigatiné pendidikan. Ruma Maida duwé carita bab pertarungan filosofis antarané Soekarno karo semangat Nation building e, lan Hatta kang péngin ngajokaké pendidikan minangka strategi pembangunan bangsa Indonésia kang èsih enom. Nalika semana, pertarungan filosofis dimenangaké déning Soekarno. Nanging saiki, pamikiran Hatta dadi bab kang wigati lan relevan. Pendidikan iku sawijining modal dhasar kanggo pembangunan. Kaping loro, wigatiné sajarah minangka sawijiné cathetan kang duwé makna. Bab iki direfleksikaké ing garapan skripsi Maida kang ngangkat kisah sajarah kang tansah urip lan lumaku. Maida nulis babagan kauripane wong kang duwé omah kang ditinggalake iku. Gunemane Maida ing panutuping filem, nirokake Bung Karno, "Jas Merah", Jangan sekali-kali melupakan sajarah: aja pisan-pisana nglalekake sajarah iki dadi ajakan kanggo ngenali lan ngemotake sajarah. Kaping telu, filem iki uga nggawa sapérangan pemahaman bab kasugihan architectural heritage budaya bangsa Indonesia. Ruma Maida nyoba kanggo nyindhir tingkah polahe wong-wong kang duwé modal kang kerep ngrusak gedhong-gedhong tuwa kanggo kepentingan bisnis. Kutha Bandung, Medan, Semarang, ya iku kutha-kutha tuwa kang duwé kasugihan arsitèktur lan duwé eksperimen para arsitek kaya ta Amsterdam School kang misuwur modhel Art Deco ne. Nanging wangunan iku akèh kang dibubrak kanthi alesan kepentingan bisnis.

                                     
  • Wanita paling apik ing Festival Film Indonesia ing taun 2009 kanthi filem Ruma Maida lan minangka Ingkang maragani Pendukung Wanita paling apik ing Festival
  • Jakarta, 2003. Novèl Wilangan Fu, KPG, Jakarta, 2008. Naskah filem drama Ruma Maida 2008. Roman paling apik Dewan Kesenian Jakarta 1998. Prince Claus Award
  • Claudia Jasmine 2008 In The Name of Love 2008 Get Married 2 2009 Ruma Maida 2009 Cowok Bikin Pusing 2011 Sinetron kang dibintangi Nino Fernandez
  • OTOMATIS ROMANTIS 2008 LOVE 2009 BUKAN CINTA BIASA 2009 RASA 2009 KING 2009 RUMA MAIDA 2010 18 2010 DEMI DEWI 2010 CEMBURU MENGURAS HATI 2010 HEART 2 HEART