Back

ⓘ Rhizopoda




Rhizopoda
                                     

ⓘ Rhizopoda

Rhizopoda ya iku jinis saka 4 kelas protozoa. Tembung Rhizopoda asalé saka tembung rhizo kang artiné oyot lan podos kang artiné sikil. Rhizopoda duwé membran plasma kang flèksibel lang bisa dadi amba, mbentuk pseudopodia kang digunaaké kanggo obah lan nggolèk pangan.

                                     

1. Ciri-ciri

Ciri-ciri rhizopoda ya iku:

  • Lumrahé uripé ing banyu anta lan banyu laut.
  • Obahé karan obah amoeboid.
  • Ing njero endoplasma ana siji utawa luwih inti sel, vakuola makanan dan vakuola kontraktil. Vakuola kontraktil diduwèni déning kabèh rhizopoda banyu anta.
  • Rhizopoda duwé sikil semu kang fungsiné kanggo piranti obah lan nyekel mangsa. Sikil semu minangka julurané sabagian protoplasma.
  • Rhizopoda manak kanthi cara vegetatif kanthi nyigar awak.
  • Ambegané kanthi cara difusi nganggo kabèh lumah awake.
  • Pakanané dijupuk kanthi cara fagosit.
  • Vakuola kontraktil uga nduwé fungsi kanggo njaga keseimbangan osmosis sel saéngga nyegah pengembangan kang bisa ndadèake rhizopoda pecah.
  • Vakuola makanan fungsiné kanggo nyerna panganqan, minangka vakuola kontraktll fungsiné kanggo piranti ekskresi.