Back

ⓘ Ula tambang




Ula tambang
                                     

ⓘ Ula tambang

Ula tambang ya iku sajinis ula cilik saka suku Colubridae. Lumrahé, ula iki uga karan kanti jeneng ula tali, ula tampar utawa ula tlampar. Ing laladan Toraja ula iki dijenengi duwata utawa ule lewora. sajeroning basa Inggris dikenal minangka Gmelin’s Bronzeback utawa Painted Bronzeback, ngrujuk ing warna-wernané kang jelas lan apik. Ula tambang nyebar wiwit saka India nganti marang Asia Tenggara, kalebu Kepuloan Nusantara ing wétan nganti Maluku.

                                     

1. Pengenalan

Ula kang gering lan ramping, dawa ngati kira-kira 1.5 m; sanajan ing lumrahé kurang saka iku. Buntuté dawa, nganti seperteluné saka dawa awak sekabèané.

Coklat zaitun kaya logam perunggu ing pérangan gegeré. Ing kabèh pérangan ngisor awak ana pita tipis kuning terang keputihan, dipisahaké saka sisik ventral weteng kang sewarna déning salah sijiné garis ireng tipis dawa nganti pucuk buntuté. Ndas kecoklatan perunggu ing pérangan nduwur, lan kuning terang ing lambé lan janggut; ditengahi déning corèt ireng wiwit saka pipi kang ngléwati mata lan ambyar ing pelipis mburi, banjur pecah dadi noktah-noktah kang gedhé lan burem ing gulu pérangan mburi. Ana warna-warna bintik-bintik ijo terang kebiruan ing pérangan gulu nganti awak pérangan rai, kang racaké umpetan ing ngisor sisik-sisik ireng utawa perunggu lan kétok jelas yèn ula ngrasa kaancem. Sisik-sisik ventral putih kekuningan utawa keijoan.

Sisik-sisik dorsal sajeroning 15 dèrèt ing pérangan tengah awak; sisik-sisik vertebral selot gedhé, nanging ora luwih gedhé saka derèt sisik dorsal kang pertama paling ngisor. Perisai labial 9 iji langka 8 utawa 10, kang no 5 dan 6 kadang-kadang uga kang no 4 ngemèk mata. Sisik-sisik ventral 167–200 iji, sisik anal sepasang, sisik-sisik subkaudal ngisor buntut 127–164 iji.

Mata gedhi, diamèteré padha dawa karo dohé marang bolongan irung. Anak mata bunder ireng; perisai preokular siji lan postokular rong iji. Perisai rostral amba, katon saka pérangan nduwur; perisai internasal padha dawané utawa rodok cendak saka perisai prefrontal; perisai frontal padha dawané karo jarake marang pucuuk moncongé, nanging luwih cendak saka perisai parietal; perisai loreal dawa. Perisai temporal kasusun 2 + 2, 1 + 1 utawa 1 + 2. Ilate wernane abang.

                                     

2. Kebiasaan

Ula kang urip ing wit, nanging kerep uga mudun ing lemah kanggo golèk mangsa kodok utawa kadal kang dadi menu mligi. Uga kerep katon nggelung ing semak-semak utawa njalar ing antarané suket-suket kang dhuwur.

Ula tambang manggoni alas-alas ing dataran éndèk lan pagunungan nganti keduwuran punjul 1350 m. Ular iki nyenengi laladan-laladan terbuka, pinggiran alas, kebon, wanatani campuran, belukar lan pinggir sawah. Kerep uga tinemu ngrambat ing pager tuwuhan ing pekarangan, lan kanti rikat lan gesit mlaku ing sela-selané godhong lan satang kanggo ngindari manungsa.

                                     

3. Anak jinis

Dendrelaphis pictus duwé anak jinis. Ing antarané:

  • D. p. andamanensis ; nyebar terbatas? di Kep. Andaman, India.
  • D. p. inornatus ; nyebar terbatas di Sumba, Rote, Sawu, Timor, Alor, lan Wetar
  • D. p. intermedius ; nyebar terbatas endemik di Sumbawa, Komodo pulau, Padar, Rinca, lan Flores
  • D. p. pictus kang nyebar wiwit saka India, Nepal, Bangladesh, Burma, Cina kidul Hong Kong, Hainan, Vietnam, Thailand, Kamboja, Laos, Ujung Malaya, Singapura, Kep. Filipina, lan Indonesia.

Pira-pira paneliti nganggep yèn anak jinis intermedius ya iku sinonim saka inornatus.

                                     
  • Titanoboa Boa Titan iku kalebu génus ula sing urip sakiwa - tengené 60 nganti 58 yuta taun kapungkur ing période Paleosen. Siji - sijiné spésies ing génus
  • bocah semangnya nganggo ngadu kakuwatan, nalika lomba tarik tambang manawi ingkang tarik tambang punika, babon semang B lan bocah - bocahe menang, lajeng kelompok
  • asin. sêrat gêdhang jinis iki bisa kanggo nggawé tali kapal laut, tali tambang tali kanggo mancing. Kajaba iku uga bisa dipintal lan digawé anyaman bandulan
  • iki akèh kagiyatan kaya ta angon - angon kèwan ternak, èkstraksi mineral tambang lan kagiyatan liyané kang nggunaké palemahan ing taman iki. Ing taman