Back

ⓘ George Gershwin




George Gershwin
                                     

ⓘ George Gershwin

George Gershwin inggih punika komponis lan penulis lagu asal Amérikah Sarékat. Sapèrangan ageng saking sadaya karyanipun dipundamel sesarengan kaliyan kangmasipun, panulis lirik Ira Gershwin. George Gershwin nyerat karya musik kanggé téater Broadway lan gedung konsèr musik klasik ing Éropah, lan ugi suksès minangka panulis lagu pop.

Karya musik Gershwin asring dipun-ginakaken minangka musik latar filem layar lébar lan sérial drama televisi. Kajawi punika, sapérangan lagu ciptaan Gershwin dados lagu jazz standar. Penyanyi jazz Ella Fitzgerald kaliyan penulis aransemen Nelson Riddle ngrekam sajumlah lagu ciptaan Gershwin ingkang dipunkemas ing salebeting album Gershwin Songbook 1959. Kajawi punika, taksih kathah musisi lan penyanyi sanès ingkang ngrekam karya-karya Gershwin, antawisipun: John Coltrane, Frank Sinatra, Billie Holiday, Miles Davis, Herbie Hancock, Judy Garland, Nina Simone, John Fahey, lan Sting.

                                     

1. Biografi

George Gershwin miyos minangka Jacob Gershowitz wonten ing Brooklyn, New York. Tiyang sepuhipun inggih punika imigran keturunan Yahudi saking Rusia. Bapakipun, Morris Moishe Gershowitz asalipun saking St. Petersburg, Rusia. Sasampunipun dumunung wonten ing Amérikah Sarékat, bapakipun nggantos nama kulawarganipun dados Gershwin. Morris Gershwin palakrama kaliyan imigran asal Rusia, Rosa Bruskin ingkang miyosaken George.

Wonten ing taun 1916, Gershwin wiwit kerja kanggé parusahan Aeolian lan Standard Music Rolls. Pedamelanipun ngrekam lan nyerat aransemèn kanggé piano roll. Nalika kerja kanggé kekalih parusahan mau, piyambakipun ngasilaken lusinan utawi malah atusan piano roll kanthi migunaken nama asli utawi sesinglon antawisipun Fred Murtha utawi Bert Wynn. Gershwin ugi ngrekam piano roll ingkang ngemu lagu ciptaanipun nalika kerja kanggé Welte-Mignon. Parusahan mau kerja dhedhasar pesenan saking M. Welte & Sons, Inc. ingkang minangka pancipta lan produsèn pisanan pianola. Kajawi kerja ngrekam piano roll, Gershwin naté tampil minangka juru main piano ing panggung vaudeville ngiringi Nora Bayes lan Louise Dresser.

Wonten ing taun 1924, George lan Ira sesarengan nyerat komèdi musikal Lady Be Good. Lagu-lagu saking komèdi musikal punika samangké kathah ingkang dados lagu jazz standar, kados "Fascinating Rhythm" lan "The Man I Love". Taksih wonten ing taun ingkang sami, Gershwin nyerat komposisi musik klasikipun ingkang pisanan, Rhapsody in Blue kanggé piano lan orkèstra. Aransemèn dipunserat déning Ferde Grofé, déné pertunjukan perdana dipunsamektakaken band Paul Whiteman asal New York. Lagu Rhapsody in Blue samangké dados lagu ciptaan Gershwin ingkang paling kondhang ing jagad.

Karya George lan Ira salajengipun inggih punika musikal kanthi judhul Oh, Kay! 1926, Funny Face 1927, Strike Up the Band 1927 & 1930, lan Girl Crazy 1930 ingkang ngemu lagu kondhang "I Got Rhythm" lan Of Thee I Sing 1931. Komèdi musikal Girl Crazy inggih punika komèdi musikal pisanan ingkang pikantuk Penghargaan Pulitzer. Lagu "I Got Rhythm" dados lagu jazz standar, déné progresi kord wonten ing lagu punika gadhah prabawa ageng wonten ing perkembangan musik jazz. Ewahaning kord kados ingkang wonten "I Got Rhythm" dipunsebut rhythm changes lan asring dipunsebut-sebut wonten ing literatur jazz.

Ing wiwitan taun 1937, Gershwin wiwit rumaos asring sakit mustakanipun saéngga ngantos boten saged ningali, lan ngraos piyambakipun asring nggandha karèt kobong. Tanpa wonten ingkang mangertosi, tumor ganas ing polo Gershwin sasmsaya parah. Gershwin dhawah nalika saweg nindakaken ilustrasi musik kanggé filem The Goldwyn Follies ing Hollywood. Usaha nylametaken kanthi operasi siya-siya, Gershwin tilar donya 11 Juli" 1937 wonten ing yuswa 38 taun.

                                     

2. Komposisi

Klasik

  • Second Rhapsody, judhul asli Rhapsody in Rivets kanggé piano lan orkestra, 1931
  • Piano Concerto in F 1925
  • An American in Paris untuk orchestra, 1928
  • Porgy and Bess 1935
  • Variations on "I Got Rhythm" kanggé piano lan orkestra
  • Rhapsody in Blue ukangge piano lan orkestra, 1924
  • Cuban Overture 1932, judhul asli: Rumba
  • Lullaby kanggé orkestra, wiwitan dipunserat kanggé kuartet gesek
                                     

3. Cathetan suku

  • Pollack, Howard George Gershwin. His Life and Work University of California Press, 2006, ISBN-13 978-0-520-24864-9
  • Hyland, William G. George Gershwin: A New Biography Praeger Publishers 2003 ISBN 0-275-98111-8
  • Rimler, Walter A Gershwin Companion Popular Culture 1991 ISBN 1-56075-019-7
  • Jablonski, Edward Gershwin Doubleday 1987 ISBN 0-385-19431-5
  • Mawer, Deborah Editor. Cross, Jonathan Series Editor. The Cambridge Companion to Ravel Cambridge Companions to Music Cambridge University Press 2000 ISBN 0-521-64856-4
                                     
  • Twain Samuel Barber Irving Berlin Leonard Bernstein Stephen Foster George Gershwin Scott Joplin Oscar Hammerstein II Richard Rodgers Susan B. Anthony
  • Forum, New York City, NY 1973: Grand Ole Opry, Nashville, TN 1974: George Gershwin Theater, New York, NY 1975 - 1977: Hollywood Palladium, Los Angeles
  • 1974 Steven Gerber 1948 - 2015 Abbie Gerrish - Jones 1863  1929 George Gershwin 1898  1937 Michael Giacchino kelahiran 1967 Vittorio Giannini