Back

ⓘ Préfèktur Okayama




Préfèktur Okayama
                                     

ⓘ Préfèktur Okayama

Préfèktur Okayama punika satunggaling prefektur Jepang ingkang mapan wonten ing sisih kilèn Pulo Honshu ing wewengkon Chugoku. Wewengkon prefektur punika kalebet 90 pulo ageng lan alit ing Laut Pedalaman Seto. Kutha krajanipun wonten ing kutha Okayama. Nalika jaman rumiyin, prefektur punika kawéntar minangka Provinsi Kibi lan wewengkonipun ing sisih wétan Prefektur Hiroshima, lan kempalan pulo ageng lan alit ingkang sapunika dados wewengkon Prefektur Kagawa. Wiwit saking taun 1989, Prefektur Okayama punika wewengkon kanthi curah jawah ingkang paling andhap ing Jepang saéngga dipunsebat "nagari tansah cerah". Prefektur Okayama punika kawéntar mawi carita rakyat Momotaro.

                                     

1. Géografi

Prefektur Okayama winatesan kaliyan Prefektur Hyogo, Prefektur Tottori, Prefektur Hiroshima, lan Prefektur Kagawa. Prefektur punika gadhah garis pasisir kaliyan Laut Pedalaman Seto.

                                     

2.1. Sajarah Zaman kuna

Saking tilaran ing situs Gunung Washū, Prefektur Okayama kinten-kinten sampun dinggèni déning manungsa wiwit saking jaman paleolitik Jepang. Ing wulan Fèbruari 2005, fosil pari lan opal phytolith saking jaman Jomon kapanggih ing pangedukan situs tumpukan kerang Hikosaki, kutha Okayama. Tilaran ing situs Asanebana ingkang mapan wonten ing prefektur ingkang sami kinten-kinten minangka tilasing wana kanggé nandur pari ing jaman Jomon. Ing jaman kuna, prefektur punika dipunwastani Provinsi Kibi lan kalebet wewengkon Jepang ingkang makmur ugi saged dipunsandingaken kaliyan wewengkon kados Kinai, Kita Kyushu, lan Izumo. Provinsi Kibi lan Kinai damel gayutan persekuthuan mawi wewengkon kekuwaosan ingkang sapunika dipunsebat Prefektur Okayama, Prefektur Hiroshima pérangan tengah lan lèr, manéka pulo ageng lan alit ing Prefektur Kagawa, lan laladan Harima ing Prefektur Hyogo. Kibi Makibi lan Wake no Kiyomaro punika politisi ingkang gadhah prabawa ing Jepang wiyosipun provinsi Kibi. Salajengipun provinsi Kibi dipunpecah dados Provinsi Bizen, Provinsi Bitchu, lan Provinsi Bingo. Lajeng Provinsi Mimasaka misah piyambak saking Provinsi Bizen. Wonten ing jaman Heian, laladan punika dados pusat kekuwatan militèr klan Taira.

                                     

2.2. Sajarah Zaman Meiji dumugi sapunika

Bibar dipunwontenaken sistem prefektur nalika tanggal 14 Juli 1871, Prefektur Okayama dipunbentuk saking tilas wewengkon han Okayama, nanging namung mlebetaken wewengkon ingkang rumiyinipun dipunsebat Provinsi Bizen. Provinsi Bitchu lan Bingo ingkang samangké gabung dados Prefektur Oda nembé nggabung malih kaliyan Prefektur Okayama nalika tanggal 10 Dhésèmber 1875. Ing taun salajengipun 18 April 1876, enem distik tilas provinsi Bingo misah saking Prefektur Okayama lan gabung kaliyan Prefektur Hiroshima. Minangka gantosipun, Provinsi Mimasaka ingkang sadèrèngipun mawi nama Prefektur Hōjō dipungabung malih kaliyan Prefektur Okayama. Nalika taun 1963, kutha alit Hinase misah saking Prefektur Okayama lajeng gabung kaliyan kutha Akō ingkang kalebet Prefektur Hyogo.

                                     

3. Transportasi

Papan anggegana

  • Papan anggegana Okayama 18 km arah lor-kulon barat laut pusat kutha Okayama)

Jaringan sepur kereta api

  • Jalur Honshibisan
  • Jalur Kisen
  • Jalur utama Sanyo
  • Jalur Imbi
  • Jalur Uno
  • JR-West
  • Jalur Tsuyama
  • Sanyo Shinkansen
  • Jalur Geibi
  • Jalur Akō
  • Jalur Kibi
  • Jalur Hakubi
  • Perusahaan Kereta api Shikoku
  • Jalur Honshibisan
  • Jalur Chizu
  • Chizu Express
  • Jalur Ibara
  • Perusahaan Kereta api Ibara
  • Jalur utama Mizushima
  • Perusahaan Kereta api Mizushimarinkai
  • Jalur utama Higashiyama
  • Jalur Seikibashi
  • Okayama Electric Tramway
                                     

4. Budaya

Pariwisata

  • Taman Jepang Kōraku-en
  • Astana Okayama
  • Kutha Okayama
  • Sekolah Rakyat Shizutani
  • Kawasan Sajarah Bikan Kurashiki Bikan Chiku
  • Kutha Bizen
  • Kutha Kurashiki
  • Taman dolanan Tivoli Park
  • Observatorium Astronomi Bisei
  • Kutha Ibara