Back

ⓘ Juliana saka Walanda




Juliana saka Walanda
                                     

ⓘ Juliana saka Walanda

Ratu Juliana Louise Marie Wilhelmina van Oranje-Nassau inggih punika Ratu Karajan Walanda saking 6 September 1948, dumugi tanggal 30 April 1980, ambal warsa beliau ingkang kaping 71, nalika putrinipun Ratu Beatrix minggah tahta.

Juliana palakrama kaliyan Bernhard zur Lippe Biesterfeld, satunggaling bangsawan Jerman, rikala tanggal 7 Januari 1937 lan pikantuk sekawan putra Beatrix 1938, Irene 1939, Margriet 1943, lan Marijke 1947 ingkang namanipun lajeng kagantos dados Christina.

Ratu Juliana minggah tahta nggantosaken ingkang ibu, Wilhelmina, antawising taun 1947 – 1948. Rikala tanggal 27 Dhésèmber 1949, piyambakipun ingkang kanthi resmi masrahaken kedaulatan Hindia Walanda dhumateng ketua wakil Indonésia, M. Hatta, wonten ing pepanggihan ing Pura Dam, Amsterdam.

Rakyat Walanda remen kaliyan piyambakipun amargi boten njunjung formalitas kanthi saèstu. Putrinipun, Beatrix, malah dipunkenal langkung formal, kados déné ingkang bapa, Pangeran Bernhard.

Ratu Juliana pindhah dhateng Indonésia wonten ing taun 1972 sinambi mbekta "olèh-olèh", antawisipun naskah manuskrip Kakawin Nagarakretagama. Naskah lontar punika asalipun saking Lombok lan dumugi ing Walanda amargi dipunjarah déning KNIL rikala taun 1894, nalika bala Walanda ngasorake Lombok.

Éwadéné sampun ngundhuraken dhiri saking pulitik wiwit taun 1980, piyambakiun taksih aktif wonten ing babagan sosial dumugi taun 1995.

Lan piyambakipun ingkang minangka Ratu Walanda ingkang pungkasanipun ngakuni kedaulatan nagara Indonésia sasampuning pepanggihanipun kaliyan Mohammad Hatta wonten ing pamungkasan Diplomasi wonten ing Konferensi Meja Bundar ing kutha Den Haag, nalika tanggal 23 Agustus dumugi tanggal 2 November 1949.

                                     

1. Pagesangan Wiwitan

Juliana miyos wonten ing kutha Den Haag, putra saking Pangeran Hendrik, Duke saking Mecklenburg-Schwerin kaliyan Ratu Wilhemina saking Walanda. Juliana nelasaken masa alitipun wonten ing Pura Het Loo ing Apeldoorn, lan wonten ing Pura Noordeinde sarta Pura Huis ten Bosch ing wewengkon Den Haag. Sawijining sekolah kecil dipunyasa wonten ing Pura Noordeinde saking pamanggihipun pengajar Jan Lightart saèngga, nalika yuswanipun ngancik angka 6 taun, sang Putri saged pikantuk pendidikan utamanipun sesarengan kaliyan kancanipun. Kanca sepantaranipun inggih punika Baroness Elise Bentinck, Baroness Elisabeth van Hardenbroek lan Jonkvrouw Miek de Jonge.

Kados ingkang kacantum wonten ing konstitusi Walanda manawi piyambakiipun kedah siyap nglajengaken tahta nalika yuswanipun ngancik angka 18, pendidikan Putri Juliana kalampahan langkung rikat saking laré sanèsipun. Sasampunipun 5 taun pendidikan dhasar, sang Putri pikantuk pendidikan lanjutanipun dumugi tingkat pra-universitas déning tutor privat.

                                     
  • Walanda wiwit 1980 2013. Dhèwèké iku putri mbarepé Ratu Juliana saka Walanda lan Pangeran Bernhard saka Lippe - Biesterfeld. Nalika taun 1966, dhèwèké palakrama
  • Antillen Walanda Papiamento Antias Hulandes Walanda Nederlandse Antillen iku nagara otonom kang dadi jajahan Walanda ing Karibia. Sing ndunungi kurang
  • Orange - Nassau, iku Ratu Walanda wiwit 1890 - 1948 lan Ibu Suri kanthi sebutan Putri wiwit 1948 - 1962. Panjenengané mimpin Walanda suwéné punjul 50 taun