Back

ⓘ Géografi Prancis




Géografi Prancis
                                     

ⓘ Géografi Prancis

Géografi Prancis inggih punika papan dunungipun géografis nagari Prancis wonten ing Éropah Barat, ingkang winatesan kaliyan Lempongan Biscay lan Selat Channel, wonten ing antawising wewengkon nagara Bèlgi lan Spanyol, sarta wonten ing sisih kidul Inggris Raya. Lajeng winatesan kaliyan Mediterania, Italia lan Spanyol.

                                     

1. Bentang alam

Perancis gadhah ruang lingkup ingkang wiyar sanget. Wewengkon lèr lan kilèn sapérangan ageng kasusun saking dataran cendhèk. Perbukitan lan pagunungan julang wonten ing wewengkon sisih wétan, tengah lan pérangan kidul.

Perancis gadhah 10 wewengkon daratan utama, inggih punika:

  • Perbukitan Brittany-Normandy inggih punika laladan ingkang gadhah bentang alam wujud dataran sarta perbukitan cendhèk. Laladan pesisiripun minangka dataran subur ingkang jumbuh kanggé perkebunan buah apel lan padang rumput kanggé ngangon sapi perah. Laladan lempongan-lempongan wonten ing wewengkon punika minangka pelabuhan-pelabuhan ingkang wigati.
  • Dataran Perancis Utara inggih punika wewengkon ingkang gadhah lahan ingkang subur lan indhustri ingkang produktif. Dataran lèr kalebet rata lan ngambah perbukitan ingkang awujud alas sarta plato. Wewengkon punika padat sanget penduduk lan kutha Paris dumunung wonten ing kawasan punika.
  • Dataran cendhèk Aquitania. Dataran punika dipunaliri déning Kali Garonne lan manéka anak kali ingkang muara dhatenh kali mau. Laladan punika gadhah pasisir kanthi pasir pethak ing pasisir lan pérangan pedalamanipun gadhah alas pinus, dataran bergelombang lan bukit-bukit pasir. Wewengkon punika ugi dados pemasok buah anggur ingkang wigati kanggé indhustri minuman anggur Perancis.
  • Alpen Perancis lan Pegunungan Jura batesi wewengkon Perancis kaliyan Italia lan Swiss. Wonten ing wewengkon punika dumunung Gunung Mont Blanc 4.807 m. Wonten ing laladan punika kathah resor ski.
  • Plato Timur Laut inggih punika wewengkon timur laut winatesan kaliyan Bèlgi ingkang kapisahaken kaliyan Pegunungan Ardennes. Laladan punika ngambah alas lan dados samsaya boten rata ing pérangan tenggara Pegunungan Vosges. Wewengkon punika sugih kasil tambang bijih besi, besi lan baja.
  • Corsica inggih punika sawijining pulo wonten ing Laut Mediterania ingkang gadhah jarak sakitar 160 km ing sisih kidul daratan utama.
  • Dataran Tinggi Tengah utawi Massif Central inggih punika laladan ingkang jarang pendudukipun. Tanah wonten ing wewengkon punika boten subur kejawi ing sapérangan lembah ing pundi gandum rye lan manéka taneman pangan dipunproduksi.
  • Lembah Rhine inggih punika wewengkon ingkang gadhah lèrèng-lèrèng terjal sarta dhasar dataran ingkang rata. Manéka wit-witan lan ladhang anggur ngebaki wewengkon punika lan pertanian subur kabentang sadawaning Kali Rhine. Kali punika minangka aliran wigati ing daratan Éropah.
  • Dataran Rendah Mediterania lan Lembah Rhone-Saone gadhah laladan tetanén ingkang produktif lan irigasi dipun-ginakaken kanthi ekstensif. Pesisiripun minangka laladan wisata ingkang regeng dipunkunjungi.
  • Pegunungan Pyrenees bentang ing wates antawising Perancis lan Spanyol. Kathah puncak wonten ing jajaran punika gadhah kainggilan langkung saking 3000 mèter.